STENBOL - Mitîngê 1ê Gulane ya Kadikoyî bi tewrbîyayîşê des hezaran kesan dest pêkerd. 

 

Bi serkêşîya DÎSK, KESK, TMMOB û TTB’yî qezaya Kadikoyî ya Stenbolî de mitîngê 1ê Gulane Roja Yewitî, Paştdayîş û Têkoşînî ame organîzekerdiş. Mitîng, bi sloganê “Semedê kede, aştî, demokrasî û edaletî ma do serbikewê” yeno kerdiş. Bi des hezaran karkerî û kedkarî ver bi meydanê mitîngî de dest bi rayîrşîyayîş kerdî. 

 

Karkerê ke goş nêdayî varan û hewayo serd, xeylêk rey sloganê “Hemverê faşîzmî mil bidê milê yewbînan”, “Jin, jiyan, azadî", “Heq, huqûq, edalet”, “Bi tena sereyê xo xelasî çin a, yan pîya yan zî tu kes ma ra” û “Ma do bi xoverdayîş serbikewê” berz kerdî. Meydan de fotografê rojnamegeranê tepişteyan zî ame berzkerdiş û girseyî sloganê “Çapemeniya Azad dê bêdeng nemîne” berz kerd. 

 

Mitîng, bi deqeyêk rêzgirewtişî dest pêkerd. Badê zî Koroya Dostlarî yê Ruhî Su vejîya sehne ser.