MERKEZÊ XEBERAN - Rêxistina Rojnamegeranê Sînor Nênasan vernîya Roja Azadîya Çapemenîye ya Dinya de endeksê serra 2025ine ê rewşa çapemenîye weşan kerd.

 

Goreyê Endeksê Azadîya Çapemenîye ya Dinya ke hetê Rêxistina Rojnamegeranê Sînor Nênasan (RSF) ra ame eşkerakerdiş, mîyanê 180 welatan de medya û rojnamegerî rewşêke ‘bi problem’, ‘zehmetî’ yan zî ‘xeylêk cidî’ dir rî bi rî yê.

 

RSF ke merkezê ci Parîs o, dîyar kerd ke ‘reya ewilî yo’ ke sewîyeya mîyanneteweyî de rewşe hende ‘zehmet’ bena û bi nimûnedayîşê Dewletê Yewbîyaye yê Amerîkayî (DYA) neql kerd ke astengîyê ekonomî zêde bîyê.

 

Norwêç 9 serrî yo pê ser rêza destpêkî de yo. DYA bi di rêzan vejîya cêr û badê Sierra Leone kewt rêza 57ine. Tirkîya zî çaryewê peyîn de 2 rêzî kêmî kerd û kewte rêza 159ine.