STENBOL - Derheqê Ayşe Barime de îdîanameyo ke heta 30 serrî waştişê hepsî beno, ame qebulkerdiş.

 

Derheqê menajer Ayşe Barim de cipersayîşo ke Serdozgerîya Komare ya Stenbolî kerdibi de temam bi. Îdîanameyo ke bado cipersayîşî netîce bî de bi îdîayê "Bi şuxilnayîşê cebir û şidetî hetkarîya wedaritişê Hukmatê Komara Tirkîya, teşebusê astengkerdişê wezîfeyî” de 22 serrî ra heta 6 aşmî heta 30 serrî cezaya hepsî amî waştiş.

 

26. Dadgeha Cezaya Giran ya Stenbolî îdîaname qebûl kerd. Ayşe Barim do 7 temmuze de vejîya vernîya dadgerî.