AMED - Mudirîyê Polîtîkayê Cinîyan û Meclîsê Cinîyan ê Şaredarîya Peyasî Bazarê Kede yê Cinîyan dest bi “Xebata Atolyeya Mûman” kerd. Atolyeya ke eleqeyêk pîl dî, bi pêgirewtişê cinîyan pê ame û bi berardişê înan dewam kerd.

 

Atolyeya mûman de, cinîyan bi teknîkê cîya mûmanê estetîkan viraştî û hunerê xo mojnayî. Atolye bi beşdarîya Hemşaredare Bêrîvan Gulşen Sîncar û xeylêk aktivîstê cinîyan Bazarê Kede yê Cinîyan pê ame û bi viraştişê berardişan peynî bî.

 

Hemşaredare Bêrîvan Gulşen Sîncar derheqê atolyeya mûman de qisey kerd û va: “Atolye de yeno dîyar kerdiş ke wexto ke mûmêke, mûmêke bîn fînena ta, roşnayîya xo ra çîyêk vînî nêkena, pêgirewtiş û têkoşînê cinîyan zî bi nê fehmî dewam keno.”

 

Berpirsiyaran keyfweşîya xo eleqeyê semedê xebatê Bazarê Kede yê Cinîyan mojna û dîyar kerdî ke xebatê bi nê rengî cuya komelî û ekonomî de bi paştdayîş û beşdarîyê cinîyan rolêk muhîm kay keno.