AMED - Amed de Înîsîyatîfê Yewîye ke temsîkaranê partîyê sîyasî, sazî, dezgeyê komelî, rîsipî, dindar û kesayetan pê yeno ame ronîyayîş. Kombîyayîş de ame waştiş ke seba çareserkerdişê problemê kurdî, aştîyêka mende û komelo demokratîk rê hetkarîya înîsîyatîfî bêro kerdiş.

 

Amed de bi beşdarîya temsîkaranê partîyê sîyasî yê Kurdistanî, sazî, dezgeyê komelî, rîsipî, dindar, bawermend, parlementer û kesayetan seba ronîyayîşê “Înîsîyatîfê Yewîye” Çand Amed de kombîyayîş virazenî. Kombîyayîş ewro destpê kerd û do siba zî bidomyo. Salon de bi kurmancî û kirmanckî, tirkî, suryankî û ermenî pankartê “Ma do bi nêzdîbîyayîşê yewî bi ser bikewî” ame elaqnayîş.

 

Kombîyayîş de diwanî ra Salîha Aydenîz, Diba Keskîn, Nîhat Eren, Kasim Firat û Ayetullah Aştî ameyî weçînayîş. Kombîyayîş de sifte Orhan Ayaz qise kerd û derheqê pêvajoya Aştî Komela Demokratîkî de qise kerd.

 

Dima Wekîla DEM Partî ya Mêrsînî Salîha Aydenîz zî bal ant ser vengdayîşê Aştî û Komelê Demokratîkî û va ke seba ke no vengdayîş bireso armancê xo, ê do xebatanê xo aver bibî.

 

Dima Wekîlê DEM Partî yê Wanî Sînan Çîftyurek dîyar kerd ke ê çe