AMED - Meclîsên Ciwanan ên DEM Partî û DBPyî "Bi ciwananê serkêş ver bi komelê demokratîkî" slogane reyde siba Merkezê Kultur û Kongreyê Çand Amedî de komxebate organîze kenê.

 

Komxebate, 6ê Tîrmehe saet 10:00an de bi beşdarîya Meclîsê Ciwanan ê DEM Partî, Meclîsê Ciwanan ê DBPyî û Meclîsê Cinîyanê Ciwan ê DEM Partî do bêro organîzekerdiş. Aktîvîsta TJAyî Ayla Akat Ata, Temsîlkarê Hemserekê DEM Partî Tayîp Temel û ekolojîste Leyla Çite do beşdarê kombîyayîşî bibê.

 

Kombîyayîş do qiseyê akerdişî, nawitişê sînevîzyonî, hedef û muhîmîyê kombîyayîşî, çarçewaya pêro pawitişan, konfederalîzmê demokratîkî, bingehê sazgehan û demokratîk, meclîsê şarî û demokrasîyê herêmî, ekolojî, komel û cinî do bibê. 

 

Endama Meclîsa Ciwanan Avesta Ateş va: "Kombîyayîşî de ma bi sloganê 'Ma ciwîyayîşê sosyalîst de israr kenê, ma Rayberî reyde xo birêxistin kenê' hedef kenê ke bi munaqeşeyêk kolektîfî bilez biresê rastîye, yew bibê û bieşkê persanê ke fikrê merdiman de yê cewab bidê. Wendişê pawitiş û perspektîfê Rayber Apo hem rêxistinkerdiş o û hem zî rêxistin o.

 

Ma ciwanan reyde pîya kom bî û dewan de dest bi xebate kerdî. Ciwanî enerjîk, meraqdar ê. Ma nika prosesî ra vîyarenê û êyê ke tewr zaf meraq kenê nê prosesî ser o ciwan û cinîyê ciwan ê. Ma heme ciwanan rê veng danê atolyeya xo ke persanê ciwanan rê cewab bibidê.

 

Her çiqas ma muhîmî danê ciwanan zî, ma cayê înan bi hêz û dînamîk pawenê. Ma do serê muhîmîya ke ciwanî danê na komxebate qisey bikerê, ma do pîya ciwanan dir biwanê.”

 

Avesta Ateş tewr peyîn qisey kerdişê xo de tewrbîyayîşê ciwanan kerd.