ENQERE - Serekwekîla Koma DEM Partî Gulistan Kiliç Koçyîgît, dîyar kerd ke Tirkîya de cuya merdiman “awe ra erjanêr a” û va: “Berpirsiyaro tewr pîl yê şewatan hukmatê AKP’yî yo.”

 

Serekwekîla Partîya Têduştî û Demokrasî (DEM Partî) Gulistan Kiliç Koçyîgît, derheqê averşîyayîşê rojane de meclîs de kombîyayîşê çapemenîye organîze kerd û eşkerayîye de bale ant şewatanê daristanan ser o.

 

Gulistan Kiliç Koçyîgît, va: “Zerrîya ma, ameyoxê ma û herra ma veşena. Pêwa nê bi hezaran ganeyî zî veşenê û benê welî. Şar semedê nê şewatan bermeno, labelê îqtîdar tena temaşe keno.”

 

Gulistan Kiliç Koçyîgît, dîyar kerd ke îqtîdar hemverê vengdayîşî mudaxaleyê şewatan bêveng o û wina va:  “Bi milyonan çimeyê welatî benê welî. Berpirsiyaro tewr pîl yê şewatî hukmatê AKP’yî yo. Berpisiyar, sazgeh ê û wezareto ke tedbîran nêgîno yo.”