ŞIRNEX - Şewato ke vizêr hela nîmerojî de koyê Gabarî de vejîya de bi hezaran darî veşayî. Şewat dimayê 11 saetan ame kontrolkerdiş.

 

Koyê Gabarî yê Şirnexî ke texrîbatê ekolojîk û talanê xozaye ci de dewam keno, vizêr hela nîmerojî de wareyê daristanî de şewat vejîya. Şewato ke ware de bi sebebê “asayîşî” ame qedexekerdiş vejîya, bi tesîrê vayî vila bi.

 

Semedê mudaxaleyê şewatî bajarê derûdorî de komê mudaxaleyî ameyî şirawitiş. Komê Mudirîyê Daristanî yê Mêrdînî, Amed û Rihayî semedê mudexileyî şîyî paştdayîş. Şewat dimayê 11 saetan ame kontrolkerdiş.

 

Semedê şewatî bi hezaran darî veşayî û xeylêk ganeyî merdî.