WAN - Komxebata ke do siba hetê Meclîsê Cinîyan ê DEM Partîye ra Wan de bêro kerdiş de, vengdayîşê tewrbîyayîşî ame kerdiş.

 

Komxebata, "Bi ciwananê serkêşan ver bi komelê demokratîkî" do siba saete 10:00ine de Salona Konferansî ya Tahîr Elçi ya Baroyê Wanî de hetê Meclîsê Cinîyanê Ciwanan ê Partîya Têduştî û Demokrasî (DEM Partî) û Meclîsê Ciwananê DEM Partî bêro organîzekerdiş. Hemsereka Pêroyî ya Partîya Herêmanê Demokratîkî (DBP) Çîgdem Kiliçgun Uçar, endama Komeleya Ekolojîye ya Wanî (Wan EKO-DER) Ayşe Ergûn, Hemşaredara Bajarê Girdî ya Wanî Neslîhan Şedal û Mehmet Karakuş do beşdar bibê.

 

Endama Meclîsê Cinîyanê Ciwanan ê DEM Partî Rozerîn Ulkem, veng da û va: "Sey ciwan û cinîyê ciwanî, ma rîyê tarîxî yê xirabîye û lêşin zanenê û semedo ke ma cewabê nê pêrûnan bidê, ma atolyeyan organîze kenê ke ma tarîxê xo ser, kam ê, ma çi dir têkoşîn kenê, ma do demê awankerdişê şorişî de rastî çi bêrê û ma eşkenê bi çi metod û cewabê nînan bidê. Ma bawer kenê ke bi nê atolyeyan, ma do pîya raştîyan ser o munaqeşe bikerê û metodê bi hişmendîyêk kolektîf dîyar bikerê."

 

Tewr peyîn qiseykerdişê xo de Rozerîn Ulkem venga tewrbîyayîşî kerd.