SEMSÛR - Dimayê erdlerzê 6ê Sibate yê merkezê ci Mereş bî, hema zî problemê ke nêameyê çareserkerdiş est ê. Semsur de no bêçareserî, welatijan ser o nêweşîyê cîya awan keno. Hemsereka SES'î ya Semsûrî Rengîn Kilinç derheqê nê probleman de qisey kerd.

 

Erdlerzê 6ê Sibata 2023ine ke merkezê ci Mereş bî, semedo ke çareserîyê mende nêameyî awankerdiş, Semsûr de nêweşîyê cidî yê kronîkî dewam kenê. Raporo ke Sendîkayê Kedkarê Weşîye (SES) û Yewîya Tabîbanê Tirkan (TTB), yeno dîyarkerdiş ke semedê lêşînîya hewayî, zêdebîyayîşê întîxaran, semedo ke tutî weş wey nêbenê, problemê dewam kenê û no tesîr cuye ser o keno.

 

Hemsereka SES'î ya Semsûrî Rengîn Kilinç texrîbatê dimayê erdlerzî awan bîyê JINNEWS’î rê qal kerd.

 

‘Problemî giran benê û dewam kenê’

 

Rengîn Kilinç dîyar kerd ke pêwa di serrî erdlerzî ser o derbaz bîyo, problemî hema zî dewam kenê û va: “Starbîyayîş, wayîrbîyayîş, çinbîyayîşê awa pake, çinbîyayîşê wareyê komelî û xeylêk problemê bînî. Her ke dem derbas beno, cinî û tutî nêeşkenê xo biresnê awa pake û coka nêweşî aver şinê. Cinî wareyê teng û qijî de yê. Wareyê cimeatî çin ê. Nê semedî ra depresyon, şîdet, desteştiş zêde beno û şîdetê mîyanê keyeyî zî zêde bîyo. Semedo ke wayîrbîyayîşêk baş çin o, tutan dir averşîyayîş çin o.”

 

‘Dayeyê întîxarî zêde bîyo’

 

Rengîn Kilinç dîyar kerd ke bi xebata ke Yewîya Tabîban dir kerdê, tutandir peyserkewtişêk cidî est o û va: “Di serrî yo nê problemî nêameyî çareserkerdiş. Merdim bi çareserîyê qij cuye dewam kenê. Semsûr de keyeyê pîlî est ê. Wareyê ke ci de manenê teng ê. Semedê depresyonê giranî bajar de hûmara întîxaran zêde bena. Vernîya nê nîna padayîş. Agresîfî, xirabîyayîşê hewnî, qiseykerdişî de xirabîyayîş, anksiyete û depresyon tesîrê edlerzî yê.”

 

‘Yê ke yenê nêvindenê, nêeşkenê vinderê’

 

Rengîn Kiliç tewr peyîn wina va: “Dimayê erdlerzî welidyayîşê rew û vêşanîya tutan zêde bî. Dewijî problem ciwîyenê. Binesazî problemin o. Pêwa lazimîya doktoran, doktorî nînê, nêwazenê bêrê. Yê ke yenê zî nêvindenê. Kêmî est ê. Cinî nêeşkenê xo bikerê merkezê cuya xo. Ganî cinî xo rêxistin bikerê. Yê ke cuya xo bivurnê ma yê.”