Rojda Aydin 

 

DÊRSIM - Ame zanayîş ke cayê daristanî yê dewanê Pakîre û Hopîkî yê qezaya Xozatî bi destê kesê AKP’yî Pakî Bozkurt birnayîşê daran ê hîra, pê ameyo. Her çiqas dîmenê ke hetê ajansê ma ra ameyê antiş wêrankerdişê xoza dano çiman ver. 

 

Xozaya Dêrsimî reyke bîn hedef de ya. Hetêk ra koyî semedê projeyê madenî pirrî çal ê û heto bîn ra zî semedê birnayîşê daristanan gelî zitî manenê. Qirkerdişê birnayîşê daran yê dewanê Pakîre û Hopîkî yê qezaya Xozatî ya Dêrsimî yenê kerdiş, rêza hêrişê xozaya herêmî ser o de bîyê hêrişê tewr peyîn yê dewam kenê. Daristanê dewanê Pakire û Hopikî verê çiman de yenê wêrankerdiş. Tena darî nê la eynî wextî de vîr, wareyê cuye û ameyoxê şarêk zî yeno birnayîş. Labelê, nê kerdoxî tena ekosîstemî de nê la eynî wextî de metodê cuye, vîr û adetê xoverdayîşî yê şarê Dêrsimî zî tehdît kenê. Pêwa hemû nêrazîbîyayîşê welatijanê herême zî, xozaya kan a Dêrsimî birnayîşê daran ê dewam dir wêranîyêk bêcewab dir rî bi rî ya. 

 

Bi destê AKP'yî qirkerdişê xoza 

 

 

Dewanê Pakîre û Hopîkî de wêrankerdişê xoza hetê Pakî Bozkurtî AKP’yî ra yeno kerdiş ke weçînayîşê herêmî yê 2024ine de Xozat de bernamzedê şaredarî bî. Goreyê agahîyê çimeyê herêmî ameyî girewtiş, birnayîşê daran ke di hewte verê dewa Pakîre dest pêkerdo, pêwa pêro nerazîbîyayîşan zî dewam keno. 

 

Dîmen qirkerdişî dano çiman ver 

 

Dîmen û fotografê ke ajansê ma herême de antê, bi zelalî yenê vînayîş ke darî birnayî serê yewbînan ameyê komkerdiş û cayê pîlî yê daristanî yenê talankerdiş. Her çiqas yeno vatiş ke birnayîşê daran hetê AKP’ye Pakî Bozkurt ra yeno organîzekerdiş zî xoza verê çiman de yena wêrankerdiş. 

 

Roniştoxê dewe hemverê birnayîşê daran nêrazîbîyayîş mojnayî û vatî, “Xozaya ma yena talankerdiş, daristanê ma yenê wêrankerdiş.”

 

 

Herême binê kontrolê îdareyî de yena talankerdiş

 

Ame dîyarkerdiş ke Qanûnê Kadastro dir, tena hîn cayê herême seba şarî ameyî dayîş, la cayê daristanê pîlî semedê Îdareyê Daristanî û Xezîneyî ameyî vurnayîş. Ame dîyarkerdiş ke birnayîşê daranê nê cayan binê çimdarîyê îdareyî de yeno kerdiş. 

 

Hopîk de zî qirkerdiş dewam keno 

 

Bi eynî hawa ame dîyarkerdiş ke dewa Hopîkî de zî hetê Pakî Bozkurt ra darî yenê birnayîş. Şarê herême qetî kerd ke derûdorê xozayî yê na herême  bi hawayêko sîstematîk yenê wêrankerdiş.