Rozerîn Gultekîn 

 

STENBOL - Endama Înîsiyatîfa Hunerê Azad û viraştoxa belgefîmê Bakurî Ayşe Çetînbaş derheqê prosesî de qisey kerd û va: “Hunermendî eşkenê destek bidê rî bi rî ameyîşî. Semedê aştîyêke mende ganî pêro hetê komelî destek bidê.”

 

Hunermendê ke esasê hunerî yê hemverê îqtîdaran, hemverê komelî berpirsîyarê, berardişê xo awan kenê, zextê sîstematîkî dir yenê rî bi rî. Rejîsoranê belgefîmê ‘Bakur’ yê têkoşînê azadîya kurdî qal keno, ceza ame birnayîş. 

 

Endama Înîsiyatîfa Hunerê Azad û viraştoxa belgefîmê Bakur Ayşe Çetînbaş derheqê prosesî de û girîngiyê hunerî yê prosesî de qisey kerd.

 

‘Berpirsyarîyêk pîl keweno milê hunermendan ser’

 

Ayşe Çetînbaş dîyar kerd ê hunermend ê, teberê prosesî de nîyê û va: “Mi viraştişê belgefîmê Çayan Demîrel û Can Candan rejîsorîya înan kerdo, kerd. Nînan ra yew Bakur bi. Pêro belgefîlm rî bi rî ameyîşê raştîyan girewtêne dest. Na babete de berpirsyarî kewena milê ma hunermendan ser.”

 

‘Ganî her kes tewrê prosesî bibo’

 

Ayşe Çetînbaş bale ant prosesî ser û va: “Ma derheqê prosesî de kom bî, bernameyan viraznenê. Ma hemverê zor û zextan zî têkoşîn kenê. Pêwa pêro ceza û sansuran ma berardişê xo dewam kenê. Proseso peyîn bi rastî muhîm o. Ganî hunermend, rojnameger, akademîsyen, sazgehê komelê sivîlî aktîf tewrê prosesî bibê. Awanbîyayîşê aştîyêke mende, bi hîn peymanan pê nîno, o muhîm oyo ke wijdanan de bica bibo.”

 

Destekdayîşê hunermendan

 

Ayşe Çetînbaş dewamê qiseykerdişê xo de wina va: “Çîyê ke ganî dewlete bikero ma zanê. Yê ke hiş û  vîrê çîyan ameyê ciwîyayîş, gane verdo dewlete ya. La bi çinbîyayîşî wazenê ke hîn çîyan binusê. Nimûne; qirkerdişê 38ine yê Dêrsimî nînan ra yew o. Bi hezaran kesan dinyaya xo bedelnayî. Verdê rî bi rî ameyîş, derheqê babete de xebatê ke yenê kerdiş zî yenê sansûrkerdiş. Hunermendî eşkenê destek bidê prosesê rî bi rî ameyîşî. Semedê çîyêk mende ganî pêro hetê komelî destek bidê.”