AGIRÎ - Şaredarîya Agirî, taxa Fatîhî de derûdorî çopî ra pak kerd û newe ra dûz kerd.

 

Şaredarîya Agirî, taxa Fatîhî de bi projeya “Projeya Agirî ya Zergûne” serrê dergî yo ke eşteyî ci de estbî, dîmenê xirabî viraştêne û boya ke giran dayîne, pêrûne pak kerd û newe ra dûz kerd.

 

Wareyo ke demêk derg pîsîyê heywanan û çopî ci de bî û kes nêwaştêne uca ra derbaz bo, bi pakkerdişêk hîra û daran ronayîş dir açarya cayêk modern. Babeta xebate de; semedê tutan parkê kayî yê bikeyf, semedê cinî û roniştoxê taxe kamelya û bankan viraştî û darî ameyî ronayîş.

 

‘Ma do helm bidê bajarê xo’

 

Hemserekê Şaredarî Hazal Aras û Memet Akkuş, derheqê proje de wina vatî: "Taxa ma ya Fatîhî de bi serran o no ware de dîmenê xirabî est ê û şarê ma ci ra acis bibi, ma nê wareyî pak kerd û ma kerd xizmetê şarê xo. Ma do bi projeya Agirî ya Zergûne bajarê xo rê helm bidê girewtiş.