ANQARA - Verfeka DEM Partî Ayşegul Dogan bale ant serê vatişê Hakan Fîdanî yê hemverê kurdan de vatibi û va: “Destkewtişê kurdan yê Sûrîye, semedê Tirkîya tehluke nîyo, firsend o.”

 

Verfeka Partîya Têduştî û Demokrasî (DEM Partî) Ayşegul Dogan merkezê pêroyî yê partîya xo de derheqê averşîyayîşê rojeve de eşkerayî da. Ayşegul Dogane ewilî reaksîyon vera operasyonê hemverê Şaredarîya Bajarê Girdî ya Stenbolê mojna û va, operasyonê bi nê rengî mudaxaleyê hemverê îradeyê şarî yo. Ayşegul Dogan va ke heta meseleya kurdî çareser nêbo, Tirkîya demokratîk nêbena û semedê nê ganî gamê bi qerar bêrê eştiş.

 

Bi domdarî Ayşegul Dogan dîyar kerd ke organîzekerdişê kombîyayîşê hîrêne ê komîsyonî muhîm o û va: “Ma hêvî kenê ke demê semedê komîsyonî ameyo visnayîş bi hawayêk tewr baş bêro şuxilnayîş. Ma ware de vînenê ke bendewariyêk pîl ê şarî komîsyonî est o. Bêşik semedê komîsyon bieşko hedefê xo bica bîyaro, hîn çî lazim ê. Lazimîya tewr pîl zî aya ke bingehêk qanûnî yê nê prosesî bibo. Ganî bi sererastkerdişê huqûqî, sîyasetê demokratîk û aştîya komelî zî destek bidê nê her di madeyan. Bi nê dir eşkenê têduştî, edalet û azadî virazîyo. Ê zî, ê sererastkerdişî zî derheqê têduştî, edalet û azadîye de yê.” 

 

Hewteyê vernî yê komîsyonî

 

Ayşegul Dogan va ke do hewteyê bêro de pêşnîyaz, agahî û tecrubeyî bêrê goşdarîkerdiş û wina va: "Ma sere de vatibi ke ganî komîsyon derûdorê cîya yê komelî goşdarî bikero. Na babete de komîsyon do bi rolêk muhîm wurzo. Do destpêkê hewteyî de dîyar bibo ka komîsyon do no hewte de kamî goşdarî bikero. Prosesê pêrodayîşan de xeylêk kesî tesîr bî.  Do vatiş û tecrûbeyê înan bêrê goşdarîkerdiş ke no zaf biqîmet o. Ma reyke bîn veng danê ke xo biresnê partîya ma. Şima eşkenê rapor û nuşteyê xo ma rê bişirawê.”