ÎZMÎR - Cinîya tepişteyê nêweşî şîzofrenî Feyzî Adanir, Nesîbe Adanir dîyar kerd ke ganî mêrdeyê aye lezkî bêro veradayîş û va: “Aştî wina nêbena, ganî dinya babeta heqê merdiman de vengê xo berz bikero.”

 

Tepişteyo nêweşê şîzofrenî Feyzî Adaniro 32 serrî yo tepişte yo, zîndanê Afyonî de yeno tepiştiş û sewqê Sazgehê Tibê Edlî nîno kerdiş. Feyzî Adanir bi hetkarîya hevalanê xo cuya xo dewam keno û ganî Nîsana 2026ine de bêro tahliyekerdiş. Cinîya ey Nesîbe Adanir va, Heyetê Îdarî û Taqîbkerdişî bi sebebê cîya tahliyeyê ey taloq kenê û va, mêrdeyê aye zîndan de nêweş kewto û di hewte verê zî krîzê qelbî derbaz kerdo.

 

Nesbîbe Adanir dîyar kerd ke ganî lezkî mêrdeyê aye bêro veradayîş û va: “1993ine de polîsan eşt serê keyeyê ma. Polîsan bi destê xo çeke da bînê lehîfê tutê mi. Seke çekê ma yo. Mi reaksîyon mojna la şîdet mi rê kerdî. Tuto min o 4 serre zî tersa û bi serran qisey nêkerd.”

 

Surgun, cezayê hucreyan û îşkence

 

Nesîbe Adanir dewam de wina va: “Mêrdeyê mi zîndanê Bucayî ra surgunê Naziliye kerdî. Demo ke mi ey dî, mi nas nêkerd. Heliya bi. Vatêne, ‘mi tîya ra vejê, dermanê ke ez nêzana danê mi.’ Vernîya ke şêro uca çîyêk ey çinbî. Bi serran o dermananê giranan danê û netîceya îşkenceyan de şîzofren bi. Psîklojiyê ey xira kerdî. Hevalê ey vatêne, pêwa ke 12 rojan îşkence dîyo, tu çîyêk înan ra nêvatê.”

 

‘Krîzê qelbî derbaz kerd’

 

Nesîbe Adanir tewr peyîn wina va: “Mêrdeyê mi tewr peyîn Bandirma ra berdî zîndanê Afyonkarahîsarî. Ma şî zîndanê Bandirmayî agahiya ma pê virazîya. Zîndan de îşkence 26 tepişteyan rê kerdî. Di hewte verê zî krîzê qelbî derbaz kerdo û anjiyo bîyo û agahî nêdayî ma. Mêrdeyê mi 2004ine de semedê nêweşî ame tahliyekerdiş. La 2007ine de ancî ame tepiştiş. Pêwa nêweşîya şîzofrenî raporê eşkeno zîndan de bimano dayî mêrdeyê mi.  Hevalê ey hetkarîya ey kenê. Beno ke zirar zî bido xo. Hevalê ey dermanê ey danê. Tepiştişê ey bimana yo. No edalet o? Aştî wina nêbena. Ganî pêro dinya vengê xo berz bikero. Vera tehlîye hewl danê ke sewqê nêweşxaneyê Nêweşîyê Rih û Sînîr ê Bakirkoyî bêro kerdiş.”