MERKEZÊ XEBERAN - Cinîyê kurdan ê ke Mantes-la-Jolieyî ke nêzdîyê paytextê Fransayî Parîsî yo, Komeleya Kulturê Kurdî de ameyî têhet. Cinîyan semedê rayîrşîyayîşê 8ê teşrîna peyêne ke Kolnî de yo, venga tewirbîyayîşî kerd.

 

Têgêrayîşê Cinîyanê Kurdan ê Fransayî (TJK-F) hewl dano bi xebatanê neweawanbîyayîşî cewab bido proseso ke bi Vengdayîşê “Aştî û Cematê Demokratîkî” yê 27ê sibate yê Rayberê Şarê Kurdî Abdullah Ocalanî dest pêkerd.

 

Cinîyê kurdan ê ke herêma Mantes-la-Jolieyî ke nêzdîyê Parîsî yo, persanê xo û rayîranê çareserîye munaqaşe kerdî.

 

Cinîyan va ke cewabê tewr baş ê prosesî; zêdekerdişê xebatanê perwerdeyî, xurtkerdişê rêxistinkerdişî û çalakîyê semedê azadîya fîzîkî ya Rayberê Şarê Kurdî Abdullah Ocalanî yo.

 

Cinîyan semedê rayîrşîyayîşê 8ê teşrîna peyêne yê ke Kolnî de yo û semedê azadîya Rayberê Şarê Kurdî Abdullah Ocalanî yo, venga tewirbîyayîşî kerd.

 

Cinîyan va ke do tewrê rayîrşîyayîşê Kolnî bibê û vernî de cinî, her kesî dawetê rayîrşîyayîşê azadîye yê Kolnî kerdî.