AMED - Meclîsê Cinîyan ê KESK’î yê Amedî semedê destpêkê 25ê Teşrîna Peyêne Roja Têkoşînê Hemverê Şîdetê Cinîyan Ser start da û dîyar kerd ke ê do hemverê şîdetî de sere berz bikerê.

 

Meclîsê Cinîyan ê KESK’î yê Amedî semedê destpêkê 25ê Teşrîna Peyêne Roja Têkoşînê Hemverê Şîdetê Cinîyan Ser şubeyê Egîtim-Senî yê hûmara 1ine de kombîyayîşê çapemenîye organîze kerd. Kombîyayîşî de pankartê “Jin Jiyan Azadî” ame daliqnayîş. Temsîlkarê rêxistinê cinîyan pêro beşdarê kombîyayîşî bîy. Endama Meclîsê Cinîyan a KESK’î ya Amedî Guneş Ozel eşkerayîye wend. Eşkerayî tena bi ziwanê tirkî ameye wendiş.

 

Guneş Ozel bale ant muhîmîya 25ê Teşrîna Peyêne û va ke ê do sey her serre emser zî bi destpêkê 25ê Teşrîna Peyêne hemverê kiştiş û şîdetê cinîyan de sere berz bikerê.

 

Guneş Ozel bernameyê 25ê Teşrîna Peyêne yê Meclîsê Cinîyan ê KESK’î yê Amedî eşkera kerd.

 

Bername wina yo:

 

* Ma do semedê Rojîn Kabaiş û heme cinîyê ke ameyi kiştiş û şîdet înan ser o ameyo kerdiş waştişê edaletêk rastî bikerê.

 

* 18ê teşrîna peyêne de ma do semedê hevalê xo yê zîndanan de yê kartê piştîdayîşî bişawê.

 

* 20ê teşrîna peyêne de ma do verê Dadgeha Cîzîrî de bê, ma do hemverê desteştişê ke tutan ser benê vengê xo vejê û dewaya desteştişî ya Cizîrî taqîb bikerê.

 

* 22ê teşrîna peyêne de ma do serdanê Dayikê Şemeyî bikerê.

 

* 23ê teşrîna peyêne de ma do tûrê bîsîklêtê cinîyan Parka Koşûyolûyî ra hetanî Wareyê Şêx Seîdî rayîrşîyayîş organîze bikerê.

 

* 25ê teşrîna peyêne de ma do sey pêameyeyê Platformê Cinîyan ê Dîcle Amedî rayîrşîyayîşê 25ê Teşrîna Peyêne organîze bikerê.