MERKEZÊ XEBERAN – Goreyê raporêk Tora Heqê Merdiman ê Kurdistanî, Werîşe Mûradî û Zeyneb Celaliyan zî mîyan de tepişteyê sîyasî yê ke zîndanê cîya yê Îranî de yê, do grevê pêroyî yê Kurdistanî dir dest bi grevê vêşanîye bikerê.

 

Goreyê raporê Tora Heqê Merdiman ê Kurdistanî, tepişteyê sîyasî Werîşe Muradî, Zeyneb Celaliyan, Sekîne Pervane, Metleb Ahmediyan û Parîsa Kemalî yê ke zîndanê cîya yê welatî de yenê tepiştiş neql kerdî ke ê do roja siba hemdemî grevê pêroyî yê Kurdistanî yo dest bi grevê vêşanîye bikerê.

 

Goreyê nê çimeyî, na çalakî semedê pêgirewtişê grevê pêroyî dir û sey nêrazîbîyayîşê hemverê şert û mercê bîyaye yeno viraştiş. Derheqê demê grevê vêşanîye yan reaksîyonê selahîyetdaranê zîndanî de hema agahîyê zelal nêameyê dayîş.

 

Rojanê peyênan de grevê pêroyî Rojhelatê Kurdistanî de bi vengdayîşê hîra dewam kerdo û hîn xeberî ameyî weşanayîş ke bazarî ameyê girewtiş û hîn karsazan hin bajaranê herêmî de xebatanê xo vindarnayê.