MERKEZÊ XEBERAN - Hêrişê komê hukmatê tirkî û hukmatê demkî yê Sûrîye yê hemverê taxanê Şêxmeqsûd û Eşrefîye yê Helebî, Kanada de bi çalakîyêke ame şermezarkerdiş.

 

Kurdistanijî pêwa dostanê xo verê Parlamenta Eyaletî ya Ottovayî de kom bî, hêrişê teberê merdimayî yê komê peyserî yê Helebî şermezar kerdî û venga raya pêroyî ya mîyanneteweyî kerdî ke bi berpirsyarî têbigêrê.

 

Çalakîkeran hêzê koalîsyonî ra waştî ke bi lezgînî dest hêrişê hemverê kurdan verabidê.

 

Sewbîna ame neqlkerdiş ke berardişê DAÎŞ'î ewro mîyanê hukmatê Sûrîye de ca gênê û nêrazîbîyayîşî bêvengîya cimatê mîyanneteweyî rê ame mojnayîş.

 

Çalakî de tim û tim sloganê "Bijî Berxwedana Rojava", "Şêxmeqsûd û Eşrefiyê bi tenê nînin" û "Kurdistan yek e" ameyî berzkerdiş. Vilawikê bi Îngilîzî amebî amadekerdiş zî derûdor de ame vilakerdiş.

 

Çalakî bi sloganê semedê silamkerdişê xoverdayîşê YPG û YPJ'yî peynî bî.