MERKEZÊ XEBERAN- Îdareyê Xoserîya Demokratîke yê Kantonê Cizîrî eşkera kerd ke bê xopawitiş aştîya raştîkêne nêbena.

 

Îdareyê Xoserîya Demokratîke yê Kantonê Cizîrî eşkerayîya xo de vat: “Ma beşdarîya xo ya temame ya Seferberîya Pêroyî îlan kenê û dîyar kenê ke na seferberîye seba pawitişê şarê ma û destkewteyanê şorişê ma wezîfeyêka neteweyîye û exlaqî ya. Her çend ke ma terefdarê haştîye bibê zî, ma îfade kenê ke bê ‘xopawitiş’ haştîya raştîkêne nêbena.”

 

Daxuyaniya ku ji aliyê Hevserokê Encûmena Cîbcîkar a Kantona Cizîrê Hesen Şero  ve hat xwendin wiha ye: “Ma selam danê heme şaranê ke binê şertanê tewr çetinan de bi îradeyê xo, bingeyê wayûbiratîya ciwîyayîşê hemparî û edaletê komelkî ser o tecrubeyêko demokratîk û pêşeng afirna. Serrgêra 13. ya awankerdişê Rayberîya Xosere de, ma veng danê ke ruhê xoverdayîşî ke pawitişê meşrû yê erd û rûmetî ser o yo, bi hişyarî, rêxistinbîyayîş û berpirsyarîya kolektîfe bêro caardene.”

Îdareyê Xoserî na çarçewe de qerardarîya xo ya pawitişê destkewteyanê Şorişê Rojawanî û Şorişê 19ê temmuze reyna tekrar kerd ke netîceya têkoşînanê çetinan vera bedelanê giranan, zulm û terorî de vejîyayî meydan.

 

Ma beyan kenê ke her prosesî de ke seba çareserîya krîzanê Sûrîye yo, ma do bibê hetêko aktîf. Ma dîyalogî ra sey weçînayîşêko stratejîk bawer kenê; çareserîya sîyasîye ya demokratîk û nemerkezî, garantîya heqanê heme beşan û bingeyê haştîye û îstîqrarê mendeyî vînenê.

 

Her çend ke ma terefdarê aştîye bê zî, ma dîyar kenê ke bê ‘xopawitiş’ aştîya raştîkêne peyda nêbena. Eke şer ma ser o bêro ferzkerdene yan zî estbîyayîş û heqê şarê ma bêrê hedefgirotene, ma do pawitişê xo yê meşrû bi her rayîrî bîyarê ca û hemverê her talûkeyan de ke emnîyetî û îstîqrarê herêma ma tehdîd kenê, amade bibê.”