MERKEZÊ XEBERAN - Ranya de wendekar û mamostayî semedê piştîdayîşê Rojawanî vejîyayî meydanan û bêmabêne sloganê "Yew nîştiman û yew netew” berz kerdî.

 

Çalakîyê piştîdayîşê xoverdayîşê Rojawanê Kurdistanî ser o bêmabêne dewam kenê. Çarçewaya çalakîyanê piştîdayîşî de ewro bajarokê Ranyayî de bi serkêşîya Îdareyê Perwereyî yê Raperîn, çalakîyêke ameye organîzekerdiş.

 

Pêwa pêro dibistanê fermî, wendekarê pêro dibistananê taybetî zî tewrê çalakî bî û piştdayîş dayî xoverdayîşê Rojawanî.

 

Çalakî de bêmabêne sloganê zerrîwazî Rojawanî dir ameyî berzkerdiş. Bi sloganê “Yew nîştiman û yew netew” vengdayîşê yewîya kurdan ame kerdiş.

Mamosta û wendekaran neql kerd ke ganî neslê neweyî bi ruhêk netewî perwerde bibê û dinya rê vajê ke dejê Rojawanî dejê înan hemine yo.