Gulistan Gulmuş

 

SEMSÛR - Cinîyanê Bulamî derheqê rol û mîsyonê cinîyan ê prosesê “Aştî û Cimatê Demokratîk” de ercnayîş kerdî û wina vatî: “Yê ke aştî awan kenê, yê ke cuye awan kenê, cinî yê. Semedê azadîya Rayber Apo ma do meydanan de bê.”

 

Ciwanê qezaya Bulamî ya qezaya Çelîxanî ya Semsûrî derheqê prosesî de û rolê ciwanan ê prosesî de qisey kerdî.

 

Bîrsen Tunç bale ant birnayîşê porê şervanêka YPJyî ya ke hetê çeteyê HTŞyî ra Rojava de ame birnayîş û va: “Serekî destpêkê têkoşînî xo kitaban de vano cinî serkêş ê û ganî cinî bibê hêzêk ke bêrê dîyayîşî. Ma vînenê ke rolê xurtî yê cinîyan cimatî de est o. Hişmendîya mêrdan zordarî cinîyan ser o kena û wazena ke planê peyêne de bêrê verdayîş. Şîdet cinîyan ser o kenê û destûr nêdanê ke qisey bikerê. Zordarî kenê. Rojava de pêwa ruhê têkoşînî, hişmendîya DAIŞî hemverê bedenê cinîyan hêrîş kerd. Porê şervana YPJyî birnayî û hewl dayî cinîyan bitersênê. La ma bi porê xo, têkoşînê xo vengê xo berz kerd.”

 

‘Yê ke cuye awan kenê ma yê’

 

Bîrsen Tunç dewam kerd û wina ard ziwan: “Ganî cinî awankerdişê cuya demokratîkî de rolê serkêşî kay bikerê. Ê çiqas ma îmha bikerê ma bi bedenê xo tîya yê. Ma çimeyê cuye yê. Wa cinî hişmendîya serdestî ra nêtersê. Wa zordarîyan ra nêtersê. Wa bêveng nêmanê. Ganî ma vengê xo berz bikerê. Yê ke cuye awan kenê ma yê.”

 

‘Cinîyanê kurdî do bi mûnayîşê cuye dest pê bikerê’

 

Yeşîm Uzun dîyar kerd ke ganî prosesî de cinî cepheyê verêne de ca bigîrê û wina va: “Esasê mîsyonê ke serekî da ma, ma cinîyanê kurdî hişmendîya rolê ke kewto milê ma ser de yê. Ma nê çara fehm kenê, porê yew cinîya ke dinyaya xo bedelnaye ra fehm kenê. Porê bedenêk merdeyî îqtîdarî tersneno. Ma zanê ke cinî senîn cuye mûnenê. Ma hişmendîya rolê girdî yê cinîyanê kurdî de yê. Cinîyanê kurdî do bi mûnayîşê cuye dest pê bikerê.”

 

‘Ma do semedê azadîya Rayber Apo meydanan de bê’

 

Asmîn Ocak va ke prosesî de ganî cinîyê ciwanî rolê serkêşî kay bikerê û wina eşkera kerd: “Rojava de qetilkerdişî dewam kenê. Ganî cinî hemverê hişmendîya serdestî ya ke tehemmulê înan bedenê merdeyê cinîyan rê çin o, çîyê ke kewto milê înan bikerê. Ganî ma kewê meydanan û vengê xo berz bikerê. Ma do semedê azadîya Rayber Apo meydanan de bê. Ma do vengê xo bidê eşnawitiş.”

 

Havîn Dagdevîren zî wina va: “Ganî ma hemverê sîstemê serdestê mêrdan yew bibê. Waştişê mi no yo ke cinî prosesî veranêdê. Ganî ma ciwanî piştîdayîş bidê prosesî. Rojava de merdimî yenê qetilkerdiş. Ganî ma piştîdayîşê xo zêde bikerê.”

 

Zelîn Buyuktaş zî wina va: “Ganî şer peynî bibo û aştî bibo. Cinî her wext cepheyê verêne de bê. Nê semedî ra ganî ma cinîyan planê verêne de bigîrê. Ganî cinî xo rêxistin bikerê.”