ÎDIR - Cinîyanê Îdirî ke Newroze de meydan bi rengê xo pirr kerdî, dîyar kerdî ke adirê ke înan tavisto, cigêrayîşê cinîyan ê semedê cuyêka azade û yewbîyayîşê înan temsîl keno û mesajê “Newroze dir ma do têkoşînê cinîyan hîra bikerê û cinî do azadîya cimatî awan bikerê” dayî.

 

Newroza ke sembolê xoverdayîşî, azadîye û newe ra bîyayîşî ya, emser zî sey her serre bi waştişanê cinîyan ê azadîye yena pêşwazîkerdiş. Cinîyanê kurdan Newroze tena sey ameyîşê wisarî nêvînenê, eynî wextî de sey sembolê têkoşînê ke hemverê sîstemê serdestê mêrdan, polîtîkayê şerî û qetilkerdişê cinîyan wurzena, vînenê.

 

Waştişê azadîya Abdullah Ocalanî

 

Cinîyê Îdirî ke mîrasê xoverdayîşê tarîxî gênê û emser bi sloganê “Azadî û Demokrasî” pîroz kenê, bi şîdet waştişanê xo yê azadîye ardî ziwan. Cinîyan mikrofonê ma rê dîyar kerd ke adiro ke înan tavisto, cigêrayîşê cinîyan ê semedê cuyêka azade û yewbîyayîşê înan temsîl keno. Cinîyan mesajê “Roşanê Newroze dir ma do têkoşînê cinîyan hîra bikerê û ma cinî do azadîya cimatî awan bikerê” dayî. Sewbîna cinîyan eynî wextî de azadîya Rayberê Şarê Kurdî Abdullah Ocalanî waştî.