Melîke Aydin

 

STENBOL- Aktîvîsta TJA’yî Azîme Işik da zanayîş ke demê Rayberê Şarê Kurdî Abdullah Ocalanî proses erjneno nêzdîbîyayîşê ey yê xo seperneno referansê tarîxî, tena wendişêk derheqê vîyarte de nîyo, perspektîfêk awankerdişê ameyoxî pêşkêş keno û awankerdişê cimatê demokratîkî de zî rolêk pîl kay keno.

 

Rayberê Şarê Kurdî Abdullah Ocalanî demê proses erjneno nêzdîbîyayîşê xo seperneno referansê tarîxî mojneno. Aktîvîsta Têgêrayîşê Cinîyanê Azadan (TJA) Azîme Işik da zanayîş ke no nêzdîbîyayîş tena wendişêk derheqê vîyarte de nîyo û va, no metod perspektîfê awankerdişê ameyoxî pêşkêş keno û zemînê cimatê demokratîkî awan keno.

 

‘Perspektîf çarserî û polîtîkayê awan keno’

 

Azîme Işik derheqê ke Abdullah Ocalan erjnayîşê prosesî de her tim muracatê referansê tarîxî dano de qisey kerd û wina ard ziwan: “No nêzdîbîyayîşê Rayberê Şarê Kurdî xo seperneno rêzê sosyolojîyê tarîxî. No zî bi perspektîfêk antorpolojîk ê xurt wayîr keno. Diyalektîfekêk vîyarte û ameyoxî ser o awan keno. Nê metodan dayeyê tarîxî, tena sey vatişêk sey hacetêk manakerdiş nîyo û çareserîye zî gêno dest. Nê hetî de tarîx semedê ci tena statîk nîyo; wareyêk rojeve û her tim newe ra yeno ercnayîşî yo. Caardişê sosyalojîyê tarîxî yê bi nê hawayî tena analîz nê eynî demî de awankerdişê bîrî zî hewêneno. No nêzdîbîyayîş hem perspektîf hem zî kapasîteyê awankerdişê polîtîka û çareserî awan keno.”

 

‘Perspektîfê cimatê demokratîkî cinî kerdoxe û awankerdox a’

 

Azîme Işik dewamê qiseykerdişê xo de bale ant rolê cinîyan ê munaqeşeyê cimatê demokratîkî ser o û wina dîyar kerd: “Babeta cinî perspektîfê Abdullah Ocalanî de merkezê nakokîyê cimatî de ca gêno. Azadîya cinîyan keno esasê vurnayîşê cimatî. No nêzdîbîyayîş têkoşînê cinîyan rewşêke nêzelal, ano sewîyeyêka dînamîk awankerdeyê awankerdişê cimatê demokratîk. Têkoşînê cinîyan demê Neolotîk heta ewroyî yeno destgirewtiş. Daye û erjnayîşê derheqê ameyoxî de, paştdayîş dano awankerdişê îdeolojîya azadîya cinîyan. Tecrubeyê vîyarteyî hem îlham, hem rexne pêşkêş keno. Munaqeşeyê ewroyî de bi dersê tecrubeyan yenê vetiş, perspektîfê cimatê demokratîkî yê ke cinî benê kerdox yenê averşîyayîş.”

 

‘Tecrubeyan kapasîteyêk awan kerd’

 

Azîme Işik tecrubeyê muzakere û aştîye yê vîyarte û ewroyî vindertî û na babete de wina va: “Tecrubeyê verî game bi game aver şîyî. Ewilî dîyalog û muzakere, dima ra sererastkerdişê qanûnî û tewr peyîn bêçekbîyayîş û entegrasyon. La prosesê nika de rêze eksê ci ya. Bêçekbîyayîş destpêke ame munaqeşekerdiş û no zî semedê lezbîyayîşê prosesî sey taktîkêk eşkeno bêro erjnayîş. Pêwa nê zî pêro tecrubeyê verî sey destkewtişî yenê pêşkêşkerdiş. Tecrubeyê têkoşînê bi serran kapasîteyêk bi lez ê averşîyayîşî awan kerd.”

 

‘Vernîya cimatbîyayîşê prosesî padayî’

 

Azîme Işik: “Ya yewine sewîyeya munaqeşe û polîtîkbîyayîşî yê cimatê kurdî zêde beno, cimatê Tirkîya de zî apolîtîkbîyayîş vejêno orte. Ya diyîne zî îqtîdar vernîya cimatbîyayîşê prosesî gêno. Sewbîna çapemenî û vatişê fermî hetê neqlkerdişê prosesî de xeylêk muhîm o. Wexto ke Rayberê Şarê Kurdî Abdullah Ocalan proses erjneno nêzdîbîyayîşê ey yê xo seperneno referansê tarîxî, tena wendişêk derheqê vîyarte de nîyo, perspektîfêk awankerdişê ameyoxî pêşkêş keno û awankerdişê cimatê demokratîkî de zî rolêk pîl kay keno. Semedê xurtkerdişê vîrê demokratîk ganî vîr bêro kolektîfkerdiş. Nê prosesî de rolêk muhîm keweno milê cinîyan ser. Cinî vîrê cimatî de rolêk muhîm kay kenê. Semedê nê ma eşkenê vajê kur rolê cinî û ciwanan xeylêk muhîm o.”