WAN – Şaredarîya Tûşbayî waştişê cinîyan ser sûka Bedestenî de atolyeyêke deştiş û neqişî akerd.

 

Desteyê Kultur, Huner û Karûbarê Cimatî yê Şaredariya Tûşbayî sûka Bedestenî de atolyeyêke deştiş û neqşî akerd. Armancê atolye oyo ke semedê cinîyan materyalê belaş peyda bikerê û ameyoxêk viraznê. 20 cinî beşdarê atolyeye bî.

 

Cinîyê ke beşdarê atolyeye bî dîyar kerdî ke înan xeylê rey şaredarî ra atolyeya deştişî waştê û kêfweşîya xo ardî ziwan ke waştişê înan bica ameyo. Sewbîna înan qetî kerd ke wareyê kayê ke semedê tutanê înan ameyo viraştiş, semedê înan rehetîyêk muhîm a. Paştîdayîşê materyalî yê belaş zî hetê cinîyan ra bi pozîtîf ame pêşwazîkerdiş.