MERKEZÊ XEBERAN - Fermandarê Pêroyî yê HSD’yî Mazlum Ebdî û Hemsereka Dayîreyê Têkilîyanê Teberî Îlham Ehmed Şam de serekê hukmatê demkî yê Sûrîye Ehmed El Şara reyde ameyê têhet.

 

Fermandarê Pêroyî yê Hêzanê Sûrîya Demokratîk (HSD) Mazlum Ebdî û Hemsereka Dayîreyê Têkilîyanê Teberî Îlham Ehmed Şam de Serekê Hukmatê Demkî yê Sûrîye Ehmed El Şara reyde ame têhet. Pêvînayîşî de Wezîrê Karanê Teberî yê Hukmatê Demkî Esed El Şeybanî û temsîlkarê Serekê Hukmatî El Ayîş zî amade bi.

 

Pêvînayîş bi babeta munaqeşakerdişê temamkerdişê prosesê entegrasyonî sazgehanê dewlete de ame pê.

 

Medyaya girêdayeyê hukmatê demkî eşkera kerd ke pêvînayîşî de rêbazê averberdişê têkilîyan, taqîbkerdişê gamanê girêdayeyê entegrasyonê sazgehanê îdarî û leşkerî yê mîyanê sazgehanê dewlete de, ameyê munaqeşakerdene.