MERKEZÊ XEBERAN - Atolyeya Mona Lîsa ya wargehê multecîyan ê Mexmûrî semedê yadkerdişê Denîz Çiya ke demê hêrişê taxanê Şêx Meqsûd û Eşrefiye ya Helebî ser o dinyaya xo bedelnaye, nawitgehê resiman organîze kerd.

 

Atolyeya Mona Lîsa ya Wargehê Multecîyan ê şehîd Rustem Cûdî (Mexmûr) semedê yadkerdişê şehîd Denîz Çiya ke demê hêrişê Heyet Tehrîr El Şamî yê taxanê Şêx Meqsûd û Eşrefîye yê Helebî ser o dinyaya xo bedelnabî, sewbîna semedê pakrewanê nê peyîn yê şêrê Rojawanê Kurdistanî de nawitgehê resiman akerd.

 

Vernîya akerdişê nawitgehî semedê temamê pakrewanê azadîya Kurdistanî deqeyêk rêze ameye girewtiş. Dimayê rêzgirewtişî Amara Bulut qiseykerdişê akerdişî kerd.

 

Amara Bulut qiseykerdişê akerdişî de nawitgehê şarê kurdî, Rayberê şarê Kurdî Abdullah Ocalanî û temamê şehîdê Kurdistanî pîroz kerd û nawitgeh diyarî Denîz Çiya kerd.