AMED - Bernameyê Forumê Aştî û Azadîya Cimatî ke Şaredarîya Amedî ya Bajarê Girdî do mîyanê 12 û 16ê Gulane de virazo, dîyar bi. Forum do 5 rojan dewam bikero û tede xeylê panelî, qiseykerdişî, atolyeyî û çalakîyê kultur û hunerî bêrê kerdene.

 

Şaredarîya Amedî ya Bajarê Girdî do mîyanê 12 û 16ê Gulane de Forumê Aştî û Azadîya Cimatî virazo. Forum do 5 rojan dewam bikero û forumî de bi desine panelî, qiseykerdişî, atolyeyî û çalakîyê kultur-hunerî bêrê kerdene. Forum ke do akademîsyenî, sîyasetmedarî, hunermendî, rojnamegerî, huqûqnasî, têgerayîşê cinîyan, rêxistinê ekolojî û xeylê temsîlkarê rêxistinanê komelê demokratîkî tewr bibê; do mewzûyê sey aştîya cimatî, çareserîya demokratîke, azadîya cinîyan, ekolojî, kultur, ziwan, hafiza û demokrasîyê herêmî bêrê munaqeşekerdiş.

 

Forum do bi wayîrîya Şaredarîya Amedî ya Bajarê Girdî pê bêro û do xeylê nuqtayanê cîyayan ê bajarî de virazîyo. Çarçewaya forumî de mojnayîşê fîlman, nawitgehî, tîyatro û konserî zî est ê.

 

Akerdişê Forumî

 

Forum do 12ê Gulane de Salona Alî Emîrî ya Şaredarîya Amedî ya Bajarê Girdî de dest pêbikero. Destpêkê forumî de Hemsereka Amedî ya Bajarê Girdî Serra Bucak, Hemserekê DEM Partî yê Pêroyî Tuncer Bakirhan û Veysî Aktaş do qisey bikerê.

 

Şîma eşkenê bernameyê Forumê Aştî û Azadîya Cimatî adresê ra taqîb bikerê.