Rojda Aydin - Rozerîn Gultekîn

 

AMED - Cinîyê Amedî yê ke derheqê prosesî de qisey kerdî, azadîya fîzîkî ya Rayberê Şarê Kurdî Abdullah Ocalanî waştî û veng dayî îqtîdarî ke gamê lazimî bierzo. Cinîyan sewbîna vatî ke barê aştîye bitaybetî milê cinîyan ser o yo.

 

Serê "Vengdayîşê Aştî û Cimatê Demokratîkî" ra serrêke û nîm vîyart labelê hema zî hetê îqtîdarî ra gamî nêameyî eştiş. "Heqê hêvîye" ra bigîre heta vetişê qanûnanê neweyan, hema zî seba gamê ke nêerzîyenê, hetê îqtîdarî ra bêvengîyêka pîle est a. Hemwelatijê Amedî yê ke derheqê prosesî de qisey kerdî, mesajê mûhîmî dayî.

 

‘Gamê lazimî bierzê’

 

Cinîyanê Amedî dîyar kerd ke seba tecrubeyanê prosesanê aştîye yê wextanê verênan, nê prosesî de bawerîya înan bi îqtîdarî nîna. Cinîyan ard ziwan ke ê şer nê, aştîye, kiştiş nê, têduştîye wazenê. Cinîyan qiseykerdişê xo de azadîya fîzîkî ya Rayberê Şarê Kurdî Abdullah Ocalanî waştî û vatî ke mîmarê nê prosesî o yo. Cinîyan veng dayî îqtîdar ke seba awankerdişê aştîye demêkê nêzdî de game bierzo. Cinîyan sewbîna vat ke ganî qanûnê neweyî yê ke do bêrê vetene zî, demêk nêzdî de bîyarê ca.

 

Cinîyan eynî wextî de bale ant serê rol û mîsyonê cinîyan ê nê prosesî û dîyar kerdî ke bitaybetî barê aştîye keweno milê cinîyan ser û vatî ke ganî heme cinîyî bibê yew.