AMED - Zafê cayanê Amedî de welatijî seba rayîrşîyayîşê "Gamêke Seba Aştîye" ke do 16ê Gulane de bêro viraştene, ameyî dawetkerdiş.

 

Rêxistinê bajar û qezayan ê Partîya Têduştî û Demokrasî yê Şaran (DEM Partî) amadekarîyanê xo yê seba rayîrşîyayîşê "Gamêke Seba Aştîye" dewam kenê ke do 16ê Gulane de bi hawayêko hemwext zafê cayanê Kurdistan û Tirkiya de bêro viraştene.

 

Çarçewaya nê amadekarîyan de, bi tewrbîyayîşê parlamenter û hemşaradan, welatijanê her cayanê Amedî ra ame waştene ke tewrê rayîrşîyayîşî bibê.

 

Rayîrşîyayîş do 16ê Gulane de, saete 19:00 de Amed de pê bêro. Rayîrşîyayîş do verê zîndanê Rezanî ra dest pê bikero û heta verê Ofîs AZC Plazayî dewam bikero.