MÊRDÎN - 4in roniştişê deweya 53 kesê ke qedexeyê Nisêbînî de dimayê ke ameyî tahliyekerdiş, ameyî tepiştiş 15ê teşrîna verêne de yeno vînayîş. 3 roniştişê dewa ke zafê hepsîyan hema pawitişê xo nêkerdê de ame waştiş ke dîmenê îşkenceyê ke înan rê ameyo kerdene bikerê dosya, la no waştiş ame  redkerdiş.

 

Nisêbîn de wextê qedexeyê tebervejîyayîşê kuçeyan dewam kerdêne, 26ê Gulana 2016ande 53 kesê ke ameyî tahliyekerdiş, dima ra ameyî tepiştiş û çarin roniştişê dewaya înan 15ê teşrîna verêne de bêro vînayîş. Hepsîyê hetê 4in Dadgeha Cezaya Giran ya Mêrdînî ke salona konferansê yê Mudirîyê SGKî de yenê muhakemekerdiş, bi 76 rey cezaya ‘muebeto giran’ ra yenê muhakemekerdiş. Roniştişo yewin ke aşma çele de ame kerdene, hepsîyan dîyar kerdibî ke îdianameyê dimayê îşkence ro înan rê ameyo kerdene qebûl nêkenê û pawitişê xo de îşkenceyê wextê tepiştişî de înan rê amebi kerdene qalî kerdibî.

 

Muracatê sucî peygoş kerdî

 

Hem hepsîyan û hem zî avûkatan seba îşkenceyo ke vînabî muracatê sucî kerdî û no muracat bê sebeb dosyaya înan de qerarê 'nimte' dayê. Derheqê dosyayan de heta nika tu çîyêk nêameyo kerdene. Roniştişê hêrîn aşma Temmuze de ame vînayîş û hepsîyan seba şertê hepisxaneyî zî pawitiş red kerdî. Hepsîyan va ke heta ê bi heme embazanê xo dir nêrê do pawitişê xo nêdê.

 

Heyetê dadgehe qerarê dewamkerdişê tepiştişê înan da û va hepsîyan pawitiş nêkerdo do roniştişê bîn de pawitiş bikerê. Heyetê hepsîyê ke nêwaştî bi SEGBÎSî pawitiş bikerê waştişê înan yê salone qebûl kerd la seba waştişê açernayîşê Kurdî qerarê red da. Heto bîn ra waştişê avûkatan ê wa îşkence zî ro dosyan de bêrê zêdekerdiş red kerdî. Ame zanayîş ke verê dewaya 15ê teşrîna verêne de bêro vînayîş hîn hepsîyê ke hepisxaneyê bînan de mendêne ardê Mêrdîn.