MINBIC - Endama Heyetê Cinîyan ya Minbicî Leyla Cimaye derheqê mektebê Hêvîya Roje ya Minbicî de qisey kerde û arde ziwan ke seba perwerdeyêk baş yê domanan ê xebetîyenî û wina va: “Wexto ke doman huyenî cuye newera ganî bena. Seba cuyeka ganî û aramî ganî ma wayîrê domananê xo bivejîyî û înan baş perwerde bikerî.”

 

Badê ke Minbic destê çeteyanê DAIŞî ra ame rizgarkerdiş xebatê tewir bi tewirî yê newekerdişê bajarî dest pêkerd. Nê xebatan ra yewe zî averberdişê perwerdeyê domanan a. Seba perwerdeyêk baş yê domanan xebate yena kerdiş. Endama Heyetê Cinîyan ya Minbicî Leyla Cimaye derheqê mektebê Hêvîya Roje ya Minbicî de qisey kerde û arde ziwan ke seba perwerdeyêk baş yê domanan ê xebetîyenî.

 

'Seba komelêke aver şêro perwerdeyî zaf girîng o'

 

Endama Heyetê Cinîyan ya Minbicî Leyla Cimaye qiseykerdişê xo de bale ante xebata perwerdeyî ser û wina va: “Eke welatêk de domanî nêrî perwerdekerdiş, welat aver nêşono. Cok ra perwerdekerdişê domanan xeylê muhîm o. Ganî ma taybetmendîyêk cîya nizdîyê perwredeyê domanan bibî. Mektebê Hêvîya Roje heme domananê Minbicî rê akerde yo. Dayîkê domanan mekteb û perwerdeyî ra xeylê kêfweşî. Wexto ke domanî baş bêrî perwerdekerdiş ameyoxê sibarojî. Seba komelêk averşîyaye û xoser perwerde muhîm o.”