Dîlan Babat

 

ENQERE - Hemsereka Pêroyî ya SESî Gonul Erdene dîyar kerde ke 226 cinîyê ke endamê sendîkayê înan bîyê bi KHK ameyê îxrackerdiş û cinîyê ke kar ra ameyê eştiş zî rastê tedayê komelî ameyê û wina va: "Nukteya bêadayîşî, rolê zayendê komelî bi tesîr keno. La ma cinî do 25ê Teşrîna Peyêne de şîdetê camêrdan teşhîr bikerê. Ma do qetî kuçeyan terk nêkerê."

 

Hemsereka Pêroyî ya SESî Gonul Erdeme derheqê tedayê ke kedkarê weşîye dîyê qalî kerde. Gonule dîyar kerde ke roja 25ê Teşrîna Peyêne de bi şîdetê sîyasî yê cinîyan hedef gêno reyke bîn ameyê rî bi rî û wina va: “Cinî do vera nê şîdetî bi xoverdayîş têkoşîn bikerê. Têkoşînê cinîyan bi qasê tarîxê metdimayî kan o. Tarîx de şîdet bi hawayêke cîya vejîyayo vernîye ma. Cinî bi seserran o vera şîdetî têkoşîn kenê. Ewro ma bi kerdişê cîya yê şîdetî dir rast yenê."

 

'Polîtîkayê îqtîdarî vernê de tesîr cinîyan ser kenê'

 

Gonule arde ziwan ke dimayê teşebusê derbeyê 15ê Temmuze ra dima kerdişê şîdetê ke îqtîdar keno cîya yê û bi KHKyê ke vetê hewl dayî cinîyan warê cuye ra vejê. Gonule arde ziwan ke bi metodê îxracî cinî bi nanê înan tehdîd kerdî, bi karê înan tehdîd kerdî û hewl dan bi vêşanî terbîye bikerê. 

 

Gonule dewam de wina va: "Bi KHKyan şîdet serê cinîyan de vejîya meydan. Sendîkaya ma ra 793 kedkar ameyî îxrackerdiş û înan ra zî 226 heb cinî bî. Cinî rastê şîdetê komel û îqtîdar ameyî. Ma do bi KESKî dir 25ê Teşrîna Peyêne de reyke bîn şîdetê camêrdan kuçe de teşhîr bikerê. Hêzo tewr pîl ê cinîyan pawitişê cewherî û rêxistinbîyayîş o. Cinî goreyê verê tewr zêde xo rêxistin kenê û warê têkoşînî awan kenê. Ma do 25ê Teşrîna Verêne de cinîyan dir kuçeyan de bê."