ÎZMÎR - Komîsyonê Cinîyan ê Şubeyê ÎHDî yê Îzmîrî Ayşenur Kizarogluye dîyar kerde hewteyê Heqê Merdiman de îhlalkerdişê heqan dewam keno û bîyayîşê Beyanameya Dinyaya ê Heqê Merdiman qîm nêkeno û ganî merdimî heqê merdiman vejîyê.

 

Komîsyonê Cinîyan ê Şubeyê ÎHDî yê Îzmîrî Ayşenur Kizarogluye da zanayîş ke Hewteyê Heqê Merdiman de zî xeylê îhlalkerdişê heqan yenê cuyayîş. Ayşenure dîyar kerde ke Pêameyîşê Heqê Merdiman ê Ewropa (PMME), Pêameyîşê Stenbolî û Heqê muracatê Şexsî yê Heqê Merdiman qîm nêkeno û no heq bi argumanê ciya yenö astengkerdış.

 

Ayşenure qiseykerdişê xo wina dewam kerde: "Nê şert û mercê şer de tu mana û girîngîyê beyanameyî çin o. Roja ma ya ewro de sîyaseto hegemonîk vejîyayo sewîyeya tewr berz. Beyaname bi sebebê polîtîk bi ca nînê. Ma tena Tirkîya? Nêy. Rewşa sîyasetmedarê Katalan, rewşa wayîrê yelegê zer ê Parîsî de zî wina yo."

 

'Tepiştişê cinîyan mesaj o'

 

Ayşenure arde ziwan ke pawitoxê heqan baş nêmaeyê wezîfedarkerdiş de merdim nêeşkeno qalê heqê merdiman bikero û wina va: "Destpêkê Hewteyê Heqê Merdiman de 10ê Kanûne de vera Tevgerê Cinîyê Azad (TJA) teda ameyî kerdene. Parlamenter Leyla Guvene grevê vêşanî de ya û seba nê her ca de çalakîyê piştdayîş ameyî kerdene û mudaxaleyê nê grevan ame kerdene. Xeylê kes ameyî tepiştiş. Nê tepiştişî bi mesaj ê."

 

Ayşenure dewam de da zanayîş ke tena bi Beyanameya Heqê Merdiman, demokrasî bi ca bêra û wina va: "Seba ke welatê ma de kiştişê kerdoxê nêdîyar, kiştişê cinîyan, îhlalkerdişê heqan esto. Coka îmzakerdişê pêameyîşî girîng nîyo. Ganî merdim wayîrê heqê merdiman vejîyê. Ganî heme cinî pîya vera caardişan têkoşîn bikerê."