ŞIRNEX – Li Şirnexê qirkirina daran berdewam dike. Hat zanîn ku li 5 gundên ku li qûntarê çiyayê Cûdî cih digire qirkirina daran hatiye destpêkirin. 

 

Li Herêma Besta û çiyayên Cûdî û Gabarê di bin çavdêriya leşkeran û bi destê cerdevanan demek dirêj e dar tên birîn. Heta niha bi tonan dar hatine birîn û wan vediguhêzin derveyî bajêr. Hat zanîn ku li qadên Deriyê Çirçiro, Serê Dehlê, Çalê Gûza, Duguhkê û Geliyê Hirçê ya girêdayî qûntarê Çiyayê Cûdî de cih digire qirkirina daran hatiye destpêkirin. 

 

Her wiha qirkirina daran ku li gundê Cifanê hatibû destpêkirin qediyane û darên ku hatine birîn vediguhezînin derveyî bajêr.