ÇEWLÎG - Rêxistina HDP'ê ya Çewlîgê qetilkirina Nagîhan Akarsel şermezar kir û gotin: "Îro roj roja parastina fikr û ramanê Nagîhanê ye û divê têkoşîn û berxwedana wê bê mezinkirin."

 

Rêxistina Partiya Demokratîk a Gelan (HDP) a Çewlîgê qetilkirina Nagîhan Akarsel bi daxuyaniyek şermezar kir. Daxuyanî li ber avahiya HDP'ê pêk hat. Di daxuyaniyê wêneyên Nagîhanê hatin hildan û pankarta "Hûn nikarina pênûsa heqîqetê bêdeng bikin" û " Jin jiyan azadî” vekirin. Daxuyanî ji hêla Hevseroka HDP'ê ya Çewlîgê Mîhrîban Ekîncî ve hat xwendin.

 

Mîhrîban, diyar kir ku carek din êrişeke serdest a mêr pêk hat û got: "Nagîhan ji bo têkoşîna azadiyê gelek ked da. Ji bo Jineolojiyê jî gelek ked da û rolek mezin lîst. Bi hewldana wê Jîneolojî belavî jinên cîhanê bû. Nagîhan bû bîra Jineolojî û dîroka berxwedana jinan. 

 

Îro roj roja parastina fikr û ramanê Nagîhanê ye û divê têkoşîn û berxwedana wê bê mezinkirin. Roj roja mezinkirina rêxistinbûnê ye. Nagîhan bû sedema mezinkirina serhildana me." 

 

Daxuyanî bi dirûşma “Jin, jiyan, azadî” bi dawî bû.