NAVENDA NÛÇEYAN - Li gel Kurdistaniyan, welatiyên Belçîkî jî bi baldarî çalakiyên Hefteya Çanda Kurd dişopînin.

 

Hefteya Çanda Kurd a 8'emîn li paytexta Belçîka Brukselê bi coşeke mezin dewam dike.

 

Kurdên ji 4 aliyên Kurdistanê, di hefteya çandê de hatin gel hev. Festîvala ku di 15'ê Tebaxê de li qada Place de Bourseyê bi meşa çandî ya li ber dahol û zirneyê destpê kir, bi coşeke mezin dewam dike.  

 

Doh jî bi pêşandana cil û bergên Kurdî û derketina hunermendên weke Xelîl Sadiqî, Dahol û Zirne, Hozan Seid, Kemençe û koroya hunermendan bi stranên gelêrî yên dengbêjî, hin komên biyanî jî derketin ser ser dikê û gel bi stranên xwe coşandin.

 

Hunermendên tevlî festîvalê bûn, beriya bistirên bang li gelê Kurd kirin ku bi xurtî xwedî li çand, ziman û hebûna xwe derkeve.

 

Di hefteya çandê de ji bo nasandina çand, huner û kelepûrên Kurdî  gelek kesî serdana konê çandê kirin.

 

Her wiha li gel xwarinên herêmî yên Kurdistanê gelek pirtûk jî di standan de hatin nîşandan.

 

Roja sêyemîn a hefteya çandê herî dawî jî bi strana "Çerxa Şoreşê" û bi dirûşmên 'Jin, Jiyan, Azadî', 'Bijî berxwedana gerîla', 'Bijî Rêber Apo' heta saet 21:00 dewam kir.

 

Hefteya çandê wê îro bi dawî bibe.