AGIRÎ - Platforma Saziyên Demokratîk hewldanên xwe ji bo meş û konsera aştiyê ya ku dê bi dirûşmeya "Ji bo Civaka Demokratîk Deng Bidin Aştiyê" lidar bixe, didomîne.

 

Platforma Saziyên Demokratîk a Agirî ji bo meş û konsera aştiyê ya ku dê di 1’ê Îlonê, Roja Aştiyê ya Cîhanê de were lidarxistin, bang kirin. Li Kolana Cumhuriyetê ya li Taxa Yavuzê standek hate danîn. Li standê belavok li welatiyan hatin belavkirin. Parlamenterê Partiya Wekhevî û Demokrasiyê ya Gelan (DEM Partî) Heval Bozdag, Hevşaredarên Şaredariya Agirî Hazal Aras û Mehmet Aliş, û Hevşaredarê Şaredariya Giyadînê Adnan Dogan jî beşdarî çalakiyê bûn û welatiyan vexwend meş û konsera aştiyê ya ku dê sibê were lidarxistin.

 

Meşa ku dê sibê saet 17:00’an de li ber  DEM Partiya Agirî dest pê bike, dê li ser Cadeya Cumhuriyetê heta Baxçeyê Neteweyî berdewam bike. Piştî meşa aştiyê, dê konserek bi beşdarbûna hunermend Arhat were lidarxistin.