KOCAELÎ / BURSA - Bi hezaran kes di 1'ê Gulanê de derketin qadan û gotin:"Em ê tifaqa zilmê biqedînin."

 

Bi pêşengiya Platforma Demokrasî û Kedê ya Kocaeliyê mîtinga 1'ê Gulanê Roja Têkoşîn, Piştevanî û Yekîtiyê li Anitparkê bi coşeke mezin hat pîrozkirin. Partiya Demokratîk a Gelan (HDP), Konfederasyona Sendîkayên Kedkaran (KESK), Konfederasyona Sendîkayên Karker ên Şoreşger (DÎSK), TMMOB beşdarî mîtinga bi dirûşma "Ev pergal wiha naçe em ê biguherînin" hat lidarxistin, bûn. 

 

'Ji şer re na'

 

Girseya serê sibehê li Parka Dogu Kişla hatin ba hevdu ber bi Anitparkê ve meşiya. Di meşê de dirûşmên "Gezî rûmeta me ye","Em ê pergala zem zulum û xizaniyê biguherin", "Dê dawî bêhempa be", "Aştî","Ji şer re na" hatin berzkirin. Piştî deqeyek rêzgirtinê metna çapemeniyê hat xwendin. Berdevkê Demê yê Platforma Şaxên KESK'ê a Kocaeliyê Erdal Karakuş da zanîn ev pergal mafê gel dixwe. 

 

Şer û dagirkerî

 

Erdal bal kişand ser zirara ku şer û dagirkerî dide aboriyê û got bi siyaseta îmha û înkarê derfeta aştiyê ji holê radikin. Her wiha Erdal diyar kir ew li dijî polîtîkayên şer li qadan e û got meseleya kurd çareser nakin û dixwazin ji ser bidestxistina rantê îktidara xwe bidomînin. 

 

Piştî axaftinan hunermend Binay Koçak û koma Yeşil Kasaba stranên xwe pêşkeş kirin. Mîtîng bi gerandina govendê bi dawî bû. 

 

Bursa 

 

Partiyên siyasî, komele û sendîka ji bo 1'ê Gulanê li Kolana Altiparmakê saet di 12.00'an de dest bi civandinê kirin. Girseya hat vir bi gerandina govendê û dirûşman 1'ê Gulanê bi coş pîroz kirin.