AMED - Li Zarokistana Perperike û Zarokistana Xalxalokê ku di bin banê Gerînendetiya Çand û Karên Civakî ya Şaredariya Peyasê de ne, xwendekarên biçûk ên perwerdehiya pirzimanî merasîma mezûniyetê ya dawiya salê li dar xistin. Şahiya ku li Hola Şanoya Bajarê hat lidarxistin, ji aliyê malbatên zarokan û nûnerên rêxistinên civaka sivîl ve bi eleqeyeke mezin hate temaşekirin.

 

Hevşaredara Peyasê Berîvan Gulşen Sîncar, alîkarên hevşaredaran û endamên encûmena şaredariyê jî di vê roja taybet de bi zarokan re bûn. Di merasîmê de, xwendekarên biçûk stranên Kurdî yên bi baldarî amadekirî gotin û şanoyeke dramatîk a rengîn bi serkeftî pêşkêş kirin. 

 

Performansên zarokan di nav salonê de kêliyên hestiyar û kêfxweşî afirandin.

 

Merasîmê careke din girîngiya perwerdehiya bi zimanê dayikê nîşan da. Dê û bavan kêfxweşiya xwe anîn ziman ku zarokên wan di heman demê de hem perwerdeyê dibînin hem jî nasnameya xwe ya çandî diparêzin. Şahî bi kişandina wêneyên bîranînê re bi dawî bû.