RIHA - Şaxa OHD a Rihayê, rapora binpêkirina mafan a der barê girtîgehên Tokat, Osmaniye û Rihayê weşand. Di raporê de îşaret bi binpêkirinên mafê tenduristiyê û qedexeyên li ser pirtûkan hat kirin û hat gotin ku taloqkirina înfazê berdewam dike.

 

Şaxa Komeleya Hiqûqnasên ji bo Azadiyê (OHD) a Rihayê rapora der barê girtîgehên Tokat, Osmaniye û Rihayê de, bi civîneke çapemeniyê ragihand.Di civînê de ku li avahiya komeleyê pêk hat, endama Komîsyona Girtîgehan a OHD'ê Dîcle Aksûyê raporê parve kir. Dîcle Aksûyê binpêkirinên mafên mirovan ên ku wan di serdanên xwe yên birêkûpêk ên di navbera Tîrmeh û Kanûnê de li girtîgehên Tîpa T ya Osmaniye, Tîpa T ya Hejmar 2 ya Rihayê, Tîpa T ya Tokatê û Sêwregê de tespît kirine, parve kir.

 

Rapora ku ji aliyê Komîsyona Girtîgehan a OHD'ê ve hat amadekirin wiha ye:

 

Girtîgeha hejmar 1 û hejmar 2 a Osmaniyeyê

 

*Di dema revîrê û sewqên nexweşxaneyê de, di dabînkirina dermanan an tedawiyê de astengî û kêmasî, 

 

*Destûr nayê dayîn ku ew beşdarî çalakiyên civakî û çandî bibin,

 

*Hejmara kesên ku di odeyan de bi hev re tên girtin ji kapasîteya wan zêdetir e, 8 kes di cîhek ji bo 4 kesan de dimînin,

 

*Di odeyan de kamera hene,

 

*Di lijneya îdare û çavdêriya de, pirsên siyasî hatine pirsîn, poşmanî hatiye ferzkirin, li ser PKK û Abdullah Ocalan pirs hatine pirsîn û bersivên van pirsan wekî bingeh ji bo dirêjkirin/şewitandina înfazê hatine bikaranîn,

 

*Li odeyan gelek caran lêgerîn hatine kirin û di van lêgerînan de mafê rêzgirtina li jiyana taybet esas nehatiye girtin, 

 

*Hin tiştên ku li kantînê tên firotin dema ku di lêgerînan de hatıne ditın tiştên qedexe hatine desteserkirin û li dijî girtiyên ku van tiştên ji kantînê kirîn ewekî hincet bi kar anîne, lêpirsînên dîsîplînê hatine destpêkirin,

 

*Hat ragihandin ku kovar û rojnameyên muxalif nadin girtiyan û xwegihandina kanalên televîzyonê jî sînordar e.

 

Girtîgeha Tîpa T a Tokatê

 

*Girtiyan ragihandiye ku lêgerînên devkî hîn jî tên kirin, 

 

*Girtiyên bi nexweşiyên giran li gorî prosedurên rûtîn nayên dermankirin ku ev yek dibe sedema xirabûna rewşa tenduristiya wan;

 

*Di lijneya îdare û çavdêriyê de pirsên siyasî ji wan hatine kirin, zext li wan hatiye kirin ku poşman bibin, li ser PKK û Abdullah Ocalan pirs hatine kirin û bersivên wan wekî bingehek ji bo dirêjkirin an şewitandina înfazê hatine bikaranîn,

 

*Kotaya pirtûkan bi 7 pirtûkan ve sînordar e,

 

*Çalakiyên civakî hatine sînordarkirin,

 

*Malbatên hemû girtiyan li derveyî bajarê Tokatê dijîn, ji ber vê yekê serdan bi rêkûpêk nayên kirin,

 

*Girtiyên siyasî nikarin ji mafê hevdîtina vîdyoyî sûd wergirin,

 

*Her çend girtiyên edlî dikarin hevdîtina vîdyoyî yên 30 hûrdemî bikin jî, ji bo girtiyên siyasî destûr nayê dayîn ku vî mafî bi kar bînin.

 

*Hat ragihandin ku dema xizmên girtiyên edlî neçin hevdîtina vekirî, dema hevdîtina bi vîdeyoyî dibe saetek, lê girtiyên siyasî saniyeyekê jî nikarin hevdîtina vîdyoyî bikin, 

 

*Her wiha hat ragihandin ku di navbera hevdîtina girtiyên edlî û siyasî de ferqa demê heye û mafê hevdîtina bi rêya telefonê bi xwe jî li gor cureya sûc tê kirin, 

 

Girtîgeha Tîpa T a Rihayê

 

*Li qawîşên girtiyên mêr jî di dema hewaya sar de jî pirsgirêka germkirinê nayê çareserkirin û kalorîfer xerabe ne, 

 

*Ronahiya av qawîşan qels e, betanî, nivîsn û çarşef ji aliyê îdareyê ve tên dayîn, lê ji ber ku kevn in nayên bikaranîn, 

 

*Germkirin di hewaya sar de bi radyatoran tê peyda kirin, lê ew tenê di demên diyarkirî de têne vekirin û dûv re têne vemirandin, ku dibe sedema pirsgirêkên germkirinê.

 

*Li odeyên girtiyên mêr, germkirin di hewaya sar de ne mimkûn e ji ber ku radyator xera bûne.

 

*Ronahî di hundurê odeyan de têrê nake, û pêdiviyên bingehîn ên wekî nivîn, betanî û çarşef ji hêla rêveberiyê ve têne peyda kirin, lê ev tişt têne bikar anîn, kevin in û di rewşek xirab de ne, ji ber vê yekê ew nayên bikar anîn.

 

*Pirsgirêka ava germ heye, 

 

*Mafê sewqkirina nexweşxaneyê û tenduristiyê bi derengî tê xistin û carinan ji ber ku bijîşk tune ne, girtî nikarin biçin revîrtê, 

 

*Daxwazên taloqkirina ceza û berdanê yên girtiyên nexweşînên wan giran, esas nayên girtin, 

 

*Di peydakirina dermnanan û sewqkirina nexweşxaneyê de pirsgirêk rû didin, 

 

*Der barê biryarên lijneya îdare û çavdêriyê de têra xwe agahî nayên dayîn, biryarên ji aliyê vê lijneyê ve tên dayîn ne objektif û adil in, berdana girtiyan bi hincetên kêfî tê taloqkirin, 

 

Girtîgeha Sêwregê

 

*Ferzkirina lêgerîna li hundirê dev hê jî tê sepandin û ji ber vê xwegihandina mafê tenduristiyê tê astengkirin, 

 

*Îdare bêyî ku guh bidê girtî nexweş e yan na, daxwazên berdanê bi kêfî û bêsedem red dike, 

 

*Girtiyên bi navê A.D. û A.Ç. ji ber ku lêgerîna li hundirê dev qebûl nekirine cezayê dîsîplînê li wan hatiye birîn, 

 

*Girtî A.T. ku 31 sal in girtiye û lijneya îdare û çavdêriyê çar caran berdana wî taloq kiriye; li heman qawîşê berdana girtiyê bi navê Î.H. carekê û ya M.E. jî carekê hatiye taloqkirin. 

 

*Veguhastina di navbera girtîgehan de bi wesayîtên rîngê tê kirin û di dema sewqkirinê de desten girtiyan tên kelemçekirin û pêdiviyên wan nayên dabînkirin."