MERSÎN - Aktîvîsta TJA'yê Sebahat Tuncel di "Hevdîtina Jinan ji bo Aştiyê" de axivî û diyar kir ku jin di mijara aştiyê de her ku diçe bêtir dibin yek û banga "Aştiyê pêk bînin, deriyên girtî vekin" kir.

 

Însiyatîfa Jinan a "Pêwîstiya Min bi Aştiyê heye" li Mersînê "Ji bo aştiyê hevdîtina jinan" li dar xist. Hevdîtina ku li Qada Ozgecan Aslan a navçeya Yenîşehîrê pêk hat, çalakvana Tevgera Jinên Azad (TJA) Sebahat Tuncel, Meclîsa Dayikên Aştiyê ya Mersînê û rêxistinên jinan beşdar bûn.

 

Di di hevdîtinê de pankartên bi nivîsên "Jin dê Aştiya Civakî Ava Bikin", "Jin ji bo Azadiyê Aştiyê Dixwazin" û "Jin, Jiyan, Azadî" hatin daliqandin.

 

 Akademisyena Aştiyê Zelîha Burcu Acar ku bi Biryarnameya Di Hukmê Qanûnê (KHK) ji kar hatiye avêtin û endama " Pêwîstiya Min Bi Aştiyê heye" di serî de axivî. Zelîha Burcu Acar, bal kişand ser girîngiya ku jin di pêvajoya aştiyê de xwedî dengek xurttir bin û got ku girîng ku hevgirtin were xurtkirin û hêviya jiyana bi hev re zêde bibe. Zelîha Burcu Acar diyar kir ku aştî ne tenê dawiya pevçûnan e û got, "Ew di heman demê de avakirina jiyanek wekhev, azad û bi rûmet e û jin yek ji damezrînerên herî bihêz ên vê jiyanê ne."

 

Piştre, çalakvana TJA'yê Sebahat Tuncel axivî û diyar kir ku têkoşîna jinan ji bo aştiyê ne tiştekî nû ye û got, "Li seranserê cîhanê destkeftiyên mezin hatine bidestxistin. Jinan di avakirina aştiyê de roleke pir girîng lîstine. Ji salên 1990'î heta roja îro, wan li dijî siyaseta şer dengê xwe yê aştiyê bilind kirine. Wan daxwaza xwe ya aştiyê di her warî de anîne ziman. Me dît ku laşên jinan bûne qadên şer, xizan bûne û neçar mane ku koçber bibin. Jinan şer nexwest, lê wan bedelên pir giran dane."

 

'Werin em aştiyê pêk bînin û deriyên girtî vebikin'

 

Sebahat Tuncel, diyar kir ku wan berî destpêkirina Pêvajoya Aştî û Civaka Demokratîk jî ji bo rawestandina şer û pevçûnan nîqaş li dar xistine û got: "Wekî înîsiyatîfekê, me daxwaza jinan a ji bo aştiyê ji komîsyona li Parlamentoyê re ragihand. Niha em ji bo pêkanîna raporê têdikoşin. Divê em bi hêz bin ku dewlet û partiyên siyasî gav bavêjin. Astengiyek heye. Em jin dikarin ji vê derbas bibin. Em dikarin tam di vê demê de rola xwe bilîzin.  em têkoşîna xwe ya dijî şer berfireh bikin. Bêyî jinan demokrasî ne pêkan e,û bê demokrasiyê azadî tune ye. Operasyon Tirkiyeyê ber bi pêş ve nabin. Em hemû hewceyê aştiyê ne û jin hîn bêtir hewceyê wê ne. Jin dikarin rêyek bibînin ku li ser mijara aştiyê werin cem hev. Mijara aştiyê têkoşînek gerdûnî ye. Werin em aştiyê pêk bînin , werin em deriyên girtî vebkin."

 

Piştî axaftina Sebahat Tuncel, jin li ser pêvajoya aştiyê axivîn.

 

Çalakî bi stranên ku ji hêla hunermend Yeliz Guzeli ve hatine pêşkêşkirin bi dawî bû.