Mîdye Miqted

 

ŞEHBA – Reya yewine kantonê Efrîn-Şehbayî de merkezê dermanê xozayî yê bi nameyê Şahmerane ame akerdiş. Cinîyan derheqê babete de dîyar kerdî ke ganî şar bi hawayêkê xozayî bêro dermankerdiş û vatî ke ma waşt şar verê xo bido dermananê xozayî. 

 

Kantonê Şehbaye seba hetkarîya şarî û sewbîna seba dermankerdişê nêweşan ê bi dermanê xozayî merkeze dermananê xozayî yanî tibê xozayî yê Kongra Starî ame akerdiş û seba dermankerdişê nêweşîyê çerm, hetkarîya cinîyê di gane terapîya fîzîkî û ûsn. beşî zî do bibê. No zî bi taybetî seba hetkarîya hemwelatijanê Efrînî yê ke no bî 6 serrî yo Efrînî ra koçê herêmanê Şehbaye bîyî, ame kerdiş. 

 

'Ma waşt şar verê xo bido dermananê xozayî’ 

 

Verfeka merkezê dermananê xozayî ya Bakur-Rojhelatê Sûrîyeye Firyal Îbrahîme ajansê ma rê derheqê amancê akerdişê merkezê Şahmerane yê dermananê xozayî de vat: "Dimayê 6 serrî yê koçberbîyayîşê şarê Efrînî ke ca û wareyanê xo ra koç bîyî, no reya yewino merkezê dermananê xozayî kantonê Efrîn-Şehbaye de yeno akerdiş. Amancê ma nê akerdişî ra no yo ke şar newe ra verê xo bido xozaya xo. Roja ma ya ewro de dermanê kîmyewî yê ke ewro merdim xo pê tedawî kenê, zirar resnenê merdiman. Tîya bi hetkarîya şarî ame akerdiş. Sewbîna semedê koçberê Efrînî zî tîya ame akerdiş. Şar binê şert û mercê zehmetinan de zî her roje xoverdayîşê xo gird keno."

 

'Hêvîya ma o yo ke şarê ma xo bi hawayêkê xozayî derman bikerê' 

 

Eynî wextî de îdarekarîya merkezê dermanê xozayî ya bajarê Helebî Şîraz Silêmanî ajansê ma rê qiseykerdişê xo kerd û wina vat: "Şarê Efrînî bi 6 serrî yo hemverê temamê şert û mercê giran û eynî wextî de hemverê hêrîşê dewleta tirkan ya îşxalkere de her roje xo ver danê, hêvîya agêrayîşê herra xo yê. Ganî ma înan reyde bibê hetkar. Ganî nêweşî bi hawayêkê xozayî bêrê dermankerdiş."