MERKEZÊ XEBERAN - Çarçewaya hemleyê 'Azadî Abdullah Ocalan rê, çareserîya siyasî meselaya kurdî rê’  ke sewîyeya mîyanneteweyî de yena kerdiş, Qibris de konferansêk ame organîzekerdiş.

 

Qibris de bi sernameyê 'Binê versîya Şerê Dinya yê Hîrêne de Qibris û Kurdistan' û 'Polîtîkaya faşîzmê Tirkan ê Îmraliyî û bêvengîya Ewropayî' de konferansêk ame organîzekerdiş û bi seyan kesî tewr bîyî.

 

Konferans paytextê Lefkoşayî de virazîya û xeylêk avûkat, parlamenter, nuştox, rojnameger û aktîvîstî zî şarê Qibrisî dir beşdar bîyî.

 

Salona konferansî fotografê Rayberê PKKyî Abdullah Ocalan û lehengê hempar ê şarê kurdî û Qibrisî Theofilos Georgiadesî ke hetê dewleta tirkan ra ame qetilkerdiş, ame daliqnayîş.

 

Merkezê Kulturê Kurdî yê Teofilosî û Yewîya Avûkatanê Demokratîke ya Qibrisî serkêşî konferansî kerdî û qiseykerdişê destpêkî hetê avûkat Efstatios Efstatio ra ame kerdiş. Efstatio vat, "Yewin rayîrê peynîkerdişê faşîzm û îşxalkerdişê tirkî, xoverdayîşê hempar o" û dîyar kerd ke çareserîya problemê kurdî, çareserîya problemê Qibrisî û azadîya Birêz Abdullah Ocalanî mîyanê yewbînan de yê.

 

Sîyasetmedarê kurd Lezgîn Serhat zî dîyar kerd ke bi nê konferansî de tevnek xurt ê têkoşînî ameyo awankerdiş û vat, "Ez bawer kena ke ma pîya eşkenê dêsê Îmraliyî birijnê."