Mîdye Miqted

 

HELEB - Cinîyê Helebî yê derheqê akerdişê Tibê Xozayî de fikrê xo wina vatî: "Ma ewro beşêk bîn ê  Tibê Xozayî Helebî akerdî. Semedê ma bi karê xo her hewl danê agêrê serrê verî û bi rayîrê dermanê xozayî xo tedawî bikerê. Ma wazenê xo dermanê ke madeyê kîmyewî xo de hewênenê dûr bikerê. Ma wazenê wina weşîye cinîyan bipawê. "

 

Merkezê Weşîye yê Kongra Starî yê bajarê Helebî beşêk bîn ê Tibê Xozayî Helebî akerd. Verfeka Komîteya Tibê Xozayî yê Vakur û Rojhelatê Sûrîye Şîraz Silêman û Endama Meclîsê Weşîye ya komîteya Tibê Xozayî de Rîhem Hemodî qisey kerd. 

 

Goreyê waştişê şarî no beş ame akerdiş

 

Verfeka Komîteya Tibê Xozayî ya Vakur û Rojhelatê Sûrîye Şîraz Silêman wina vat: "No diyîn beşê Tibê Xozayî bajarê Helebî yeno akerdiş. Bi taybetî cayê bi nameyê Meirof ke merdimê uca dermanxaneyan ra dûr ê, sewbîna şar zî wazeno no beş derûdorê înan bêro akerdiş. Ma her tim cinîyan dir yenê têhet û waştişê înan goşdarî kenê. Ma goreyê waştişan têgêrenê.”

 

'Karê xo ma do şarê xo dir bibê hetkar'

 

Şîraze wina dewam kerd: "Semedo ke ma wazenê komîteya xo ya semedê xebatê weşîye cinîyan hîra bikerê, ma beşê xo kantobê Efrîn-Şehbayî eynî wextî de Rojawanî zî akerdî. Semedo ke no kar ê destpêkî yê dapîr û bapîranê ma yo, sewbîna bi nê karî do xeylêk hetkarî bireso şarê ma. Semedo ke şarê ma rewşêke zehmet de yo, coka na hetkarî zî muhîm a.”

 

'Ma wazenê weşîya cinîyan bipawê'

 

Endama Meclîsê Weşîye ya Kongra Star Rîham Hemdo zî vat, ma wazenê maddeyê kîmyewî ra xo dûr bidê û wina vat: “Ma ewro beşêk bîn yê Tibê Xozayî Helebî de akerd. Semedo ke ma bi karê xo her hewl danê ke agêrê serranê verî û bi rayîrê dermananê xozayî xo tedawî bikerê. Ma wazenê xo dermanê ke madeyê kîmyewî xo de hewênenê dûr bikerê. Ma wazenê wina weşîye cinîyan bipawê.”