MERKEZÊ XEBERAN - Heyetêk DEM Partî û DBP’yî, do ewro serdayîşê Başûrê Kurdistanî bikerê û bi xeylêk sazgeh û şexsê Başûrî dir pêvînayîşan bikerê

Heyetêk Partîya Têduştî û Demokrasî  (DEM Partî) û Partîya Herêmanê Demokratîkî (DBP), ewro do serdayîşê Başûrê Kurdistanî bikerê.

Goreyê agahîyan heyetî de Hemserekê Pêroyî yê Partîya Herêmanê Demokratîkî (DBP) Keskîn Bayindir, Verfekê Karê Teberî yê DEM Partî Berdan Ozturk, Parlamentera DEM Partîye ya Mêrdînî Saliha Aydenîz, temsîlkara Hemserekê Pêroyî ya DEM Partî Ebrû Gunay, Hemşaredara verî ya Silopî Adalet Fidan û yew şêwirmendê Merkezê Pêroyî yê DEM Partî Seyfettîn Çetîn ca gênê. Ame dîyarkerdiş ke do heyetê DEM Partî û DBP’yî ewro biresê Hewlêr û mîyanê roje de derbazê Silêmanî bibê. Yeno vatiş do heyet Silêmamanî û Hewlêr de bi xeylêk sazgeh, rêxistin û şexsê Başûrê Kurdistanî dir pêvînayîşan bikerê.