AMED - Endama Odeya Tabîban ê Amedî Elîf Turan derheqê şîdetê xebatkarê weşîye ser o her ke şinê zêde benê de dîyar kerd ke ê şîdetê sazgehê weşîye, şîdetê mîyanê komelî de bêpar nêvînenê û semedê nê problemî peynî bibê ganî vernê de ziwanê şîdetî caverdê.

 

Endama Odeya Tabîban ê Amedî Elîf Turan serê nê problemê ke sazgehê weşîye yê ke hema vaje bîyê merkezê şîdetî de qisey kerd.

 

'Ma nêeşkenê nêweşanê xo derman bikerê'

 

Elîf Turan, dîyar kerd ke doktorî wareyê ke şuxilênê de hem wareyê fizîkî û hem zî psîkolojî de şîdet înan rê yeno kerdiş û va: "Çi heyf şîdetê wareyan ser o peynî nêbeno. La helbet ma nêeşkenê şîdetê komelî yê cîya wareyê weşîye ser o bifikrîyê. Semedo ke hema vaje her roje 3 cinî yenê qetilkerdiş. Wexto ke ma dest bi wendişî semedê doktorî kenê, mamosteyê ma her game nê çîyan ma ra vanê; vernê de asayîşê xo bi xo bigîrê ke şima bieşkê mudaxeleyê nêweşan bikerê. Semedo ke ma nêeşkenê nêweşanê xo hawîrdorêk nêasayîşî de derman bikerê.”

 

Bernameyê ke qîm nêkenê

 

Elîf Turan, bale ant polîtîkayê ke wareyê weşîye de qîm nêkenê û wina va: "Ma hawirdorê adaptasyonî yê goreyê rûmetê merdiman wazenê. Semedo ke wexto ke wina nêbo, ma nêeşkenê qîmê xo wext nêweşan rê derbaz bikerê. Ganî ma nêweşanê xo bi hawayêko saxlem derman bikerê. Îqtîdar vano ke înan hîn çî bi Bernameyê Vurnayîşê Weşîye açarnayê û vernîya dora zêde yê wareyê weşîye girewtê. La na dore telefonî ser o semedê randevuyî dewam kena. Sloganê ma yê emserî yê 14ê Adare ‘Sîstemêk bîn û weşîye mumkin’ bî.”

 

‘Hîm jî bersiva pêşniyaran nehatiye dayîn’

 

Elîf Turan, dîyar kerd ke doktoran cigêrayîşêk semedê çareserkerdişê mesela amade kerdê, la heta nika zî bica nêameyî û wina va: "Ma sey TTB’yî semedo ke şîdetê weşîye bêro vindarnayîş, pêşnîyazî meclîsî rê kerd la heta nika zî cewab ê pêşnîyazîyan rê nêame dayîş. Ma vînenê ke semedê şîdetê fizîkî tu ceza nînê dayîş. Nêweşxane cayê asayîşî nîyê. Çi heyf ma xo mîyanê asayîşî de nêvînenê.”