COLEMÊRG - Colemêrg de tuto ke demê bisiklête ramitine, îdîa bi ke semedo ka ginayo cinîya çawişo pisporî ro, raştê şîdetî ame û berdîya nêweşxane, çawişo pispor İbrahim Sari ke destbend bibi, bi şertê kontrolê edlî serbest vera dîya.

 

Ame îdîakerdiş ke tutêk baxçeyê Mudirîyê Bajarî yê Sporî û Xizmetê Ciwanan ê Colemêrgî de demo ke bisiklête ramitêne, ginayo cinîya çawişo pisporî ro. Nê ser de çawişo pispor Îbrahim Sari, tutî rê şîdet kerd

 

Îbrahim Sari, dimayê hedîse, şan de ame destbendkerdiş. Çawiş, saetê serê sibayî de berdîya mehkema û derheqê ey de qerarê kontrolê edlî û vejîyayîşê teberê welatî dîya û dima ra serbest vera dîya.

 

Tutî emelîyat kerdî 

 

Tuto ke dimayê şîdetê çawişê pisporî qolê ci şikiya, nêweşxane de emelîyat bi û qolê ey rê platîn kerdî ci.