ŞIRNEX - Vernîya Konferansê Dayîkê Aştîye yê 18-19ê teşrîna verêne, Meclîsê Dayîkê Aştîye ya Botanî qezaya Cizîrî ya Şirnexî konferansêk organîze kerd. Konferans dîyarî Rayberê Şarê Kurdî Abdulah Ocalanî ame kerdiş.

 

Meclîsê Dayîkê Aştîye yê Botanî qezaya Cizîrî ya Şirnexî de vernîya Konferansê Dayîkê Aştîye yê 18-19ê teşrîna verêne de Salona Konferansî ya Şehîd Orhan Dogan ê awanîya Rêxistina Qezaya Cizîrî ya DEM Partî konferansêk vernî konferansêk organîze kerd. Şirnex û qezayanê derûdorê xeylêk Dayîkê Aştiye tewr bî. Pankartê bi nuşteyê "Dayîkê Aştîye yê Botanî veng danê Îmraliyî" salona konferansî de ame daliqnayîş.

 

Dimayê deqeyêk rêzgirewtişî yê semedê yadkerdişê şehîdan, aktîvîstê Têgêrayîşê Cinîyanê Azadan (TJA) Çîmen Fîdan qisey kerd û va, "Dayîkan berdêlê giran dayî. Aştî tewr zêde heqê dayîkê aştîye yo. Dayîkan her tim semedê aştîyêk bi rûmet xo ver dayî. Ma hêvî kenê ke do şer peynî bibo."

 

Konferanso ke dîyarî Rayberê Şarê Kurdî Abdullah Ocalanî ame kerdiş, çapemenî rê padaye dewam kerd.