ŞIRNEX - Şaredarîya Cizîrî derheqê projeyê ekolojî kombîyayîşê şarî organîze kerd. Kombîyayîş de qerarê awankerdişê “Meclîsê Ekolojî” ame dayîş. 

 

Şaredarîya Cizîrî ya Şirnexî ya DEM Partî, derheqê projeyê ekolojî yê do bikewê merîyet, şarî dir kombîyayîşêk organîze kerd. Kombîyayîş, eywana şaredarî ame organîzekerdiş. Verfekê Demî yê Platformê Ekolojî yê Şirnexî Adnan Şenbayram, temsîlkarê rêxistinê komelê sivîlî û partîyê sîyasî tewr bî. 

 

Hemşaredarê Cizîrî Abdurrahîm Durmuş kombîyayîş de bale ant serê muhîmîyê komelê ekolojîk û va ke do qerarê şarî dir ameyî dayîş, lezkî bica bîyarê.

 

Hemşaredare Guler Tunç Yerbasan zî bale ant serê texrîbatê ekolojîkî yê Botanî û vengdayîşê berpirsyarî her kesî rê kerd. 

 

Welatijê ke tewrê kombîyayîşî bî, derheqê qirkerdişê ekolojî de qisey kerdî û pêşnîyazîyê xo yê hemverê nê qirkerdişî rêz kerd. Welatijan, reaksîyon vera viraştişê Awbendê Cizîrî mojnayî. Qerar ame dayîş ke binê sîwanê şaredarî de Meclîsê Ekolojî bêro awankerdiş.